پاريج وليمپياداسىنىڭ العاشقى جۇلدەسىن قاي ەل الدى
پاريج. KAZINFORM - فرانسيا استاناسىندا ءوتىپ جاتقان وليمپيادا ويىندارىنىڭ العاشقى جۇلدەلەرىن قازاقستان، قىتاي جانە وڭتۇستىك كورەيا ەلىنىڭ سپورتشىلارى جەڭىپ الدى.
ناقتىراق ايتار بولساق، پاريجدەگى وليمپيادانىڭ ەڭ العاشقى مەدالى قازاقستان قورجىنىنا ءتۇستى. وتانداستارىمىز يسلام ساتپايەۆ پەن الەكساندرا لە پنيەۆماتيكالىق ۆينتوۆكامەن 10 مەترگە نىسانا كوزدەۋدەن ارالاس كوماندالىق سىندا قولاعا قول جەتكىزدى.
ال، وليمپيادانىڭ العاشقى التىن مەدالىن قىتاي سپورتشىلارى قانجىعاسىنا بايلاسا، كۇمىس جۇلدەنى وڭتۇستىك كورەيا سپورتشىلارى جەڭىپ الدى.
ايتا كەتەيىك، پاريج قالاسىندا الاۋى تۇتانعان XXXIII جازعى وليمپيادا ويىندارىندا جالپى 32 سپورت تۇرىنەن 329 مەدال جيىنتىعى ساراپقا سالىنادى.
قازاقستان سپورتشىلارى ءتورت جىلدىق دودادا سپورتتىڭ 25 تۇرىنەن 92 جولداما جەڭىپ العان بولاتىن.
بۇگىن جوعارى دا اتاپ وتكەنىمىزدەي، ەل قورجىنىنا العاشقى مەدال ءتۇستى.
اۆتور
كۇنسۇلتان وتارباي
