پاريج وليمپياداسىندا مەدال العان قازاقستاندىق بوكسشىلارعا بەرىلەتىن سىياقى مولشەرى بەلگىلەندى

сыйақы
Фото: telegram.org/k/#@sportilinet

استانا. KAZINFORM - قازاقستان بوكس فەدەراتسياسى پاريج وليمپياداسىنا جولداما العان بوكسشىلار مەن ولاردىڭ جاتتىقتىرۋشىلارىنا ارناپ اۋىزاشار ۇيىمداستىردى.

قازاقستان بوكس فەدەراتسياسىنان ءمالىم ەتكەنىندەي، جيىندا جاقىندا يتاليادا وتكەن الەمدىك ىرىكتەۋ تۋرنيرىندە ليتسەنزيا جەڭىپ العان بوكسشىلار مەن ۇلتتىق قۇرامانىڭ باپكەرلەر القاسى قارجىلاي سىيلىقتارمەن ماراپاتتالدى.

بوكسشىلارعا 20 مىڭ ا ق ش دوللارىنان تابىستالسا، باس باپكەر مىرزاعالي ايتجانوۆقا 10 مىڭ دوللار بەرىلدى. بۇدان بولەك، ۇلتتىق قۇرامانىڭ جاتتىقتىرۋشىلارى دا سىياقىعا يە بولدى.

سونىمەن قاتار پاريج وليمپياداسىندا جوعارى ناتيجە كورسەتكەن بوكسشىلارعا قازاقستان بوكس فەدەراتسياسى تاراپىنان بەرىلەتىن سىياقى مولشەرى جاريالاندى:

1-ورىن: 220000 $

2-ورىن: 120000 $

3-ورىن: 70000 $

4-ورىن: 30000 $

5-ورىن: 10000 $.

ال باس باپكەر مەن جاتتىقتىرۋشىلار القاسى ورىن العان بوكسشى سىياقىسىنىڭ 30 پايىزىنا پارا-پار قارجىلاي سىياقى الادى.

اۆتور

عايساعالي سەيتاق

سوڭعى جاڭالىقتار