پاريج-2024: وليمپياداشىلارىمىزدىڭ نەشەۋى وزگە ەلدە دۇنيەگە كەلگەن
پاريج. KAZINFORM - فرانسيا استاناسى پاريجدە الاۋى تۇتاناتىن وليمپيادا ويىندارىندا ەل نامىسىن قورعايتىن 80 سپورتشىنىڭ 15 وزگە ەلدە دۇنيەگە كەلىپ، كەيىن قازاقستانعا ورالعان. كەي سپورتشىلارىمىز وزگە ەلدە ومىرگە كەلگەنىمەن، قازاقستاندا ءوستى.
دزيۋدو
ابيبا ءابۋجاقىنوۆا - وزبەكستاندا دۇنيەگە كەلگەن. 2022 -جىلى تاشكەنتتە وتكەن الەم بىرىنشىلىگىنىڭ قولا جۇلدەگەرى.
ەسميگۇل كۋيۋلوۆا - وزبەكستاندا دۇنيەگە كەلگەن. 2023 -جىلعى ازيا ويىندارىنىڭ قولا جۇلدەگەرى.
بوكس
ساكەن بيبوسىنوۆ - وزبەكستاندا دۇنيەگە كەلگەن. 2021 -جىلعى الەم بىرىنشىلىگىنىڭ جەڭىمپازى. توكيو وليمپياداسىنىڭ قولا جۇلدەگەرى.
جەڭىل اتلەتيكا
نورا دجەرۋتو - كەنيادا دۇنيەگە كەلگەن. 2022 -جىلدان باستاپ قازاقستان اتىنان ونەر كورسەتەدى. 2022 -جىلى جەڭىل اتلەتيكادان قازاقستان اتىنان تۇڭعىش الەم چەمپيونى اتاندى.
دەيزي دجەپكەمەي - كەنيادا دۇنيەگە كەلگەن. 2022 -جىلدان باستاپ قازاقستان اتىنان ونەر كورسەتەدى.
بايداركادا ەسكەك ەسۋ
سەرگەي توكارنيتسكي - ۋكراينادا دۇنيەگە كەلگەن. 2013 -جىلدان باستاپ قازاقستان اتىنان ونەر كورسەتەدى.
كانوەدە ەسكەك ەسۋ
تيمۋر حايداروۆ - وزبەكستاندا دۇنيەگە كەلگەن. كانوەدە ەسكەك ەسۋدەن الەم كۋبوگىنىڭ جۇلدەگەرى.
تەننيس
ەلەنا رىباكينا - رەسەيدە دۇنيەگە كەلگەن. 2018 -جىلدىڭ ماۋسىم ايىندا قازاقستان ازاماتتىعىن الدى. الايدا، ول كەشە پاريج وليمپياداسىنا قاتىسپايتىنى تۋرالى ايتتى.
يۋليا پۋتينتسيەۆا - رەسەيدە دۇنيەگە كەلگەن. 2012 -جىلدان باستاپ قازاقستان اتىنان ونەر كورسەتەدى.
الەكساندر بۋبليك - رەسەيدە دۇنيەگە كەلگەن. 2012 -جىلدان باستاپ قازاقستان اتىنان ونەر كورسەتەدى.
الەكساندر شيەۆچەنكو - رەسەيدە دۇنيەگە كەلگەن. 2024 -جىلدىڭ اقپان ايىنان باستاپ قازاقستان اتىنان ونەر كورسەتەدى.
الەكساندر نەدوۆەسوۆ - ۋكراينادا دۇنيەگە كەلگەن. 2013 -جىلى ۋكرايناندان اۋىسىپ كەلدى.
ەركىن كۇرەس
يۋسۋپ باتىرمۋرزايەۆ - داعىستاندا دۇنيەگە كەلگەن. 2013 -جىلدان باستاپ قازاقستان اتىنان ونەر كورسەتەدى.
ترياتلون
ەكاتەرينا شابلينا - رەسەيدە دۇنيەگە كەلگەن. 2021 -جىلدان باستاپ قازاقستان اتىنان ونەر كورسەتەدى.
اۆتور
كۇنسۇلتان وتارباي
