ارمەنيا پارلامەنتىندە تاعى دا دەپۋتاتتار توبەلەستى
ەرەۆان. KAZINFORM - بۇگىن ارمەنيا ۇلتتىق جينالىسىنىڭ ءماجىلىس زالىندا وپپوزيتسيا جانە بيلىك پارتيالارى دەپۋتاتتارىنىڭ اراسىندا توبەلەس بولدى، دەپ حابارلايدى Kazinform اگەنتتىگىنىڭ ەريەۆانداعى مەنشىكتى ءتىلشىسى.
جانجال «ازاماتتىق كەلىسىم» بيلىك پارتياسىنىڭ دەپۋتاتى تارون چاحوياننىڭ بايانداماسى كەزىندە باستالعان. ياعني، ونىڭ مىنبەردەن وپپوزيتسيالىق «كۇشتى ارمەنيا» فراكسياسىنىڭ وكىلدەرىنە قاتىستى ايتقان سوزدەرى نارەك كاراپەتياننىڭ نارازىلىعىن تۋدىردى. وسىدان كەيىن دەپۋتاتتار ءسوز تالاستىرىپ، ونىڭ سوڭى توبەلەسكە ۇلاستى.
تيىسىنشە، ۇلتتىق جينالىس ءتوراعاسى رۋبەن رۋبينيان ءۇزىلىس جاريالاپ، تىكەلەي ەفير كورسەتىلىمىن توقتاتتى. بۇدان كەيىن توبەلەس پارلامەنتتىڭ دالىزىندە جالعاسقان.
ەسكە سالايىق، بۇل ارمەنيا پارلامەنتىندە بولعان العاشقى جاعداي ەمەس. 6-قازاندا دا بيلىك جانە وپپوزيتسيا پارتيالارىنىڭ دەپۋتاتتارى اراسىندا بولعان كەلىسپەۋشىلىكتىڭ سوڭى توبەلەسپەن اياقتالعان ەدى.
