«ارسەلورميتتال قازاقستاننىڭ» جاڭا ينۆەستورى انىقتالدى

«ارسەلورميتتال تەمىرتاۋ» ا ق مەملەكەت مەنشىگىنە قايتارۋ كەلىسسوزدەرى اياقتالدى. ا م ت ەكى كاسىپورنىنىڭ قۇنى 286 ميلليون دوللارعا باعالانعان. ونەركاسىپ جانە قۇرىلىس ءمينيسترى قانات شارلاپايەۆ جاڭا ينۆەستوردىڭ كىم ەكەنىن مالىمدەدى، دەپ حابارلايدى Kazinform.

ق. شارلاپايەۆ قازاقستان ArcelorMittal-دىڭ ەكى كاسىپورنىن 3,5 ميلليارد دوللاردان 286 ميلليون دوللارعا ارزانداتىپ العانىن، مۇنى ەلىمىزدىڭ ءىرى جانە تابىستى كەلىسسوزى بولعانىن ايتتى.

جاڭا ينۆەستور - قازاقستاندىق بيزنەسمەن اندرەي لاۆرەنتيەۆ. ول 1979 -جىلى الماتى قالاسىندا دۇنيەگە كەلگەن. «Allur Group» كومپانيالار توبىنىڭ ديرەكتورلار كەڭەسىنىڭ ءتوراعاسى، ونىڭ قۇرامىندا «اگروماش حولدينگ» جانە «سارى ارقا اۆتوپروم» ج ش س بار. كومپانيالار توبى Chevrolet ،KIA ،JAC جانە LADA اۆتوبرەندتەرىنىڭ قازاقستان اۋماعىنداعى رەسمي ءوندىرۋشىسى جانە ديستريبيۋتورى.

ەسكە سالا كەتسەك، 28-قازان كۇنى تۇنگى ساعات 02.33-تە قاراعاندى وبلىسىنداعى كوستەنكو اتىنداعى شاحتادا ءورت تۇتانىپ، ارتىنان جارىلىس بولدى. جەر استىندا جۇمىس ىستەپ جاتقان 252 كەنشىنىڭ 206-سى ءوز بەتىمەن جوعارى شىقتى.

Фото: Үкіметтің баспасөз қызметі

31-قازان كۇنى 45 كەنشىنىڭ دەنەسى جانە قازا تاپقان 46-شى ادامنىڭ دەنە بولشەكتەرى تابىلدى.

قاراعاندى وڭىرىنە بارعان مەملەكەت باسشىسى ۇكىمەتكە «ارسەلورميتتال تەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋ تۋرالى تاپسىرما بەردى.

كەيىن ۇكىمەتتىڭ باسپا ءسوز قىزمەتى «ارسەلورميتتال تەمىرتاۋ» ا ق- نىڭ مەنشىك قۇقىعىن قر مەنشىگىنە قايتارۋ تۋرالى كەلىسىمشارتتىڭ اياقتالۋعا جاقىن ەكەنىن ءمالىم ەتتى.

اۆتور

ايجان سەرىكجان قىزى