ارمەنيا ۇكىمەتى ەۋروپالىق وداققا كىرۋ پروتسەسىن باستاۋ تۋرالى زاڭ جوباسىن ماقۇلدادى
استانا. KAZINFORM - ارمەنيا پرەمەر-ءمينيسترى نيكول پاشينياننىڭ ايتۋىنشا، ەلدىڭ ە و- عا كىرۋى تۋرالى سوڭعى شەشىم رەفەرەندۋم ارقىلى قابىلدانۋى ءتيىس.
بەيسەنبى كۇنگى وتىرىستا ارمەنيانىڭ مينيسترلەر كابينەتى ازاماتتاردىڭ قولىن جيناعاننان كەيىن باستاماشى توپ ۇسىنعان «ارمەنيانىڭ ەۋروپالىق وداققا قوسىلۋ پروتسەسىنىڭ باستالۋى تۋرالى» زاڭ جوباسىن ماقۇلداپ، پارلامەنتكە جىبەردى.
كەزدەسۋ بارىسىندا ارمەنيا سىرتقى ىستەر ءمينيسترى ارارات ميرزويان ۇكىمەت بۇل زاڭ جوباسىن قولداۋدى ۇسىناتىنىن باسا ايتتى. ول بۇل شەشىمدى ارمەنيا مەن ە و اراسىنداعى سوڭعى جىلدارداعى قارىم- قاتىناستىڭ قارقىندى دامۋىمەن نەگىزدەدى. ارارات ميرزوياننىڭ ايتۋىنشا، ەۋرووداق ارمەنيا ۇكىمەتىنە بىرنەشە رەت ساياسي قولداۋ ءبىلدىرىپ، ايماقتاعى قاۋىپسىزدىكتى قامتاماسىز ەتۋگە دە اتسالىسقان.
ارمەنيا باس شتابى باستىعىنىڭ بۇرىنعى ورىنباسارى قاماۋعا الىنعانىن جازعان بولاتىنبىز.
ەركەجان سماعۇلوۆا
اۆتور
