«پارازيتى» فيلمىندە باستى ءرولدى سومداعان اكتەر كولىگىنەن ءولى تابىلدى

وسكار يەلەنگەن «پارازيتى» فيلمىندە نەگىزگى ءرولدى سومداعان 40 جاستاعى اكتەر لي سون- گيۋن سارسەنبى كۇنى وزىنە قول سالعان. Kazinform بۇل تۋرالى Yonhap اگەنتتىگىنە سىلتەمە جاساپ حابارلايدى.

وعان قارسى ەسىرتكى قولداندى دەگەن كۇدىكپەن تەرگەۋ ءجۇرىپ جاتقان بولاتىن.

ەر ادام سەۋل ورتالىعىنداعى ساياباقتا تاڭعى 10:30-دا كولىگىنەن ەس-ءتۇسسىز كۇيدە تابىلدى. كەيىنىرەك پوليتسيا ونىڭ كىم ەكەنىن انىقتادى. جولاۋشىلارعا ارنالعان ورىندا اعاش شوعىنىڭ بريكەتى جاتتى.

بۇعان دەيىن پوليتسياعا ليدىڭ ۇيدەن كەتىپ، ءولىم الدىنداعى جازباسىنا ۇقساس حات قالدىرعانى جانە كولىگى جوعالىپ كەتكەنى تۋرالى اقپارات تۇسكەن.

جىل باسىنان بەرى اكتەر سەۋلدىڭ كاننامگۋ اۋدانىنداعى ەليتالى باردا جۇمىس ىستەيتىن داياشىنىڭ ۇيىندە ماريحۋانا مەن باسقا دا ەسىرتكى زاتتارىن پايدالاندى دەگەن كۇدىكپەن ءۇش رەت تەرگەۋگە شاقىرىلعان.

اكتەردىڭ سوزىنشە، داياشى ونى الداپ ەسىرتكى تۇتىنۋعا ماجبۇرلەگەن، ول نە قابىلداپ جاتقانىن بىلمەگەن.

ليدىڭ تالداۋى پوليتسيا تەرگەۋى كەزىندە جۇرگىزىلگەن جەدەل-تەستتە دە، وتكەن ايدا ۇلتتىق ساراپتامالىق- كريميناليستىك قىزمەت جۇرگىزگەن زەرتحانالىق تەستتە دە تەرىس ناتيجە كورسەتتى.

جاقىندا لي ءوزىنىڭ كىناسىز ەكەنىن ايتىپ، ينچحوننىڭ استانالىق پوليتسيا باسقارماسىنا پوليگرافتا تەرگەۋدەن وتۋگە سۇراۋ جىبەرگەن بولاتىن.

لي تۇسكەن «پارازيتى» فيلمى 2020 -جىلى «وسكار» سىيلىعىن يەلەنگەننەن كەيىن ول الەمگە تانىمال بولىپ كەتتى.

اۆتور

بالنۇر قوجاگەلدى