گارۆارد ۋنيۆەرسيتەتىنىڭ باسشىسى قىزمەتىنەن كەتتى

گارۆارد ۋنيۆەرسيتەتىنىڭ پرەزيدەنتى كلودين گەي كونگرەسس جيىنى كەزىندە انتيسەميتيزم تۋرالى سۇراقتارعا بەرگەن جاۋابىنا، سونداي- اق پلاگيات جايلى ايىپتاۋدان كەيىن وتستاۆكاعا كەتتى.

Kazinform اگەنتتىگى بۇل تۋرالى BBC- گە سىلتەمە جاساپ حابارلايدى.

سوڭعى اپتالاردا كلاۋدين گەيگە قىسىم كۇشەيىپ، بۇل ونىڭ قىزمەتتەن كەتۋىنە اكەلدى.

ول ءوزىنىڭ وتستاۆكاسى تۋرالى جاريالاعان حاتىندا قىزمەتتەن كەتۋى ۋنيۆەرسيتەتتىڭ مۇددەسى ءۇشىن ەكەنىن ايتتى.

«مەن جەككورۋشىلىككە جانە عىلىمي دالدىككە قارسى تۇرۋعا مىندەتتەمەم كۇمان تۋدىرعانىنا قاتتى مۇڭايدىم»، -دەدى ول.

ايتۋىنشا، بۇل شەشىمگە كەلۋ وڭاي بولماعان.

«ونىڭ ۇستىنە، بۇل - سوزبەن جەتكىزۋ مۇمكىن ەمەس وتە قيىن جاعداي»، - دەپ جازدى دوكتور گەي.

ول وتستاۆكاعا كەتۋى گارۆاردقا ونى ەمەس، ءوزىن ينستيتۋت رەتىندە قورعاۋعا مۇمكىندىك بەرەتىنىن قوسىپ ءوتتى.

گەي وتستاۆكا تۋرالى حاتىندا وعان جەكە قوقان-لوققى كورسەتىلگەنىن، «ناسىلدىك جاقتىرماۋعا» ۇشىراعانىن جەتكىزدى.

ۋنيۆەرسيتەتتىڭ باسقارۋ ورگانى گارۆارد كورپوراتسياسىنىڭ مالىمدەۋىنشە، دوكتور گەي بۇرىنعى اكادەميالىق قىزمەتىنە ورالادى.

اۆتور

زارينا تۋعانبايەۆا