اراب ەلدەرى س ءى م باسشىلارى گازاداعى احۋالدى تالقىلاۋ ءۇشىن رەسەيگە باردى
ساۋد ارابياسىنىڭ سىرتقى ىستەر ءمينيسترى فەيسال يبن فارحان ءال- ساۋد باستاعان يسلام جانە اراب ەلدەرى س ءى م باسشىلارى تاياۋ شىعىستاعى احۋالدى تالقىلاۋ ءۇشىن رەسەيگە ساپارلادى.
بۇل تۋرالى ساۋد ارابياسى سىرتقى ساياسات ۆەدومستۆوسىنىڭ X (Twitter) الەۋمەتتىك جەلىسىندەگى رەسمي اككۋانتىندا ءمالىم ەتىلدى، دەپ حابارلايدى قازاقپارات.
دەلەگاتسيا ر ف سىرتقى ىستەر ءمينيسترى سەرگەي لاۆروۆپەن گازادا اتىستى توقتاتۋ جانە تاياۋ شىعىستاعى احۋال ماسەلەلەرىن تالقىلايدى.
بۇعان دەيىن ساۋد ارابياسىنىڭ سىرتقى ىستەر ءمينيسترى فەيسال يبن فارحان ءال- ساۋد اراب- يسلام سامميتىن ۇيىمداستىرۋعا جاۋاپتى كوميتەت جۇمىسىن باستاعانىن ءمالىم ەتكەن ەدى. كوميتەتكە گازادا اتىستى توقتاتۋ بويىنشا ءىس- قيمىلداردى ازىرلەۋ جۇكتەلىپ وتىر. وسى ماقساتتا اراب جانە يسلام ەلدەرىنىڭ سىرتقى ىستەر مينيسترلەرى قىتايعا، كەيىن باسقا دا ەلدەرگە باراتىنى ايتىلدى.
كەيىن اراب جانە يسلام ەلدەرىنىڭ سىرتقى ىستەر مينيسترلەرى قىتايدا اتالعان ەلدىڭ س ءى م باسشىسى ۋاڭ يمەن پالەستينا- يزرايل قاقتىعىسىن تالقىلاعانى حابارلاندى.
اۆتور
ميرا تولەندى قىزى
