اقىلدىڭ بىلىمنەن اسىپ تۇسەتىن تۇستارى

استانا. قازاقپارات - ءبىزدىڭ ميىمىز ەكى جاق بولىكتەن تۇراتىندىقتان، قاي مي بولىگىمىزبەن ويلاساق، سوعان بايلانىستى سيپاتتاما بەرەمىز. ماسەلەن، وڭ جاق مي بولىگىمەن ويلايتىندار شىعارماشىلىقتى تالاپ ەتەتىن جۇمىستاردى ءونىمدى اتقارسا، ال سول جاق مي بولىگىمەن ويلايتىندار ەسەپ-قيساپ پەن اناليتيكالىق ويلاۋدى تالاپ ەتەتىن قىزمەتتە تابىسقا جەتەدى دەيمىز.

ءبىراق وسى ەكى ءتۇرلى ويلاۋ جۇيەسى بار ادامداردا بولۋى قاجەت ورتاق ءبىر قاسيەت بار. ول - اقىل. ءبىلىمدى بولۋ ءۇشىن كوپ وقىپ، كوپ توقۋ كەرەك بولسا، اقىلدى بولۋ ءۇشىن نە ىستەۋ قاجەت؟

1. اقىلدى قوسپا

كرەاتين - تاعامعا قوسىلاتىن قوسپا. بۇل قوسپا ادامدى كۇشتى ەتىپ قانا قويماي، سونىمەن بىرگە تەز ءارى دۇرىس ويلاۋعا كومەكتەسەدى. سيدنەي ۋنيۆەرسيتەتىنىڭ قىزمەتكەرلەرى ەگەر وسى قوسپانى 6 اپتا بويى كۇنىنە 5 گرام مولشەردە قابىلداسا، ادامنىڭ IQ دەڭگەيى 15 بىرلىككە جوعارىلايتىنىن دالەلدەگەن. كرەاتين بۇلشىقەتتەر مەن ميدى ەنەرگياعا تولتىرادى. وسىعان سايكەس ءسىز اقىلدى بولا تۇسەدى ەكەنسىز.

2. ءبىر جۇتىم سۋ

كەي كەزدە الدىڭىزدا تاۋداي بولىپ اتقارالاتىن جۇمىس جاتادى. ال ءبىراق ءسىز بۇل جۇمىستى ورىنداۋعا ەش دايىن بولمايسىز، ءىستى سوڭىنا دەيىن بىتىرە المايتىن سياقتى بولىپ تۇراسىز.

Consciousness and Cognition جۋرنالى مۇنداي جاعدايدا سۋ ءىشۋ كەرەك دەپ جازادى. ەگەر ادام اعزاسىندا جەتكىلىكتى مولشەردە سۇيىقتىق بولسا، ادامدا ەنەرگيا پايدا بولادى. مۋرالي دورايسۆامي ەسىمدى مامان 15 مينۋت سايىن ىشىلگەن ءبىر جۇتىم سۋ شارشاعاندىقتى باسادى دەيدى.

ال جۇمىسقا دەيىنگى 30 مينۋت الدىندا ءبىر ساپتاياق كوفە كۇردەلى ماسەلەلەردى ورىنداۋعا مۇمكىندىك بەرەدى دەيدى. ال كوك شايدىڭ كۇننىڭ ەكىنشى جارتىسىندا جانە ۇيقى الدىندا كومەكتەسەتىنىن ايتقان.

3. ءيىس

ەگەر پارفيۋمەرلىك دۇكەندە بولا قالساڭىز ساتۋشىدان روزمارين ءيىسى بار ءاتىر سۇراڭىز. بۇل ءسىزدىڭ استە اسا ءسانقوي بولىپ بارا جاتقانىڭىزدىڭ بەلگىسى ەمەس. ۇلىبريتانيانىڭ نورتۋمبريا ۋنيۆەرسيتەتى عالىمدارى روزمارين گۇلىنىڭ ءيىسى ادامنىڭ ميىن بەلسەندى ەتە ءتۇسىپ، دۇرىس شەشىم قابىلداۋعا اسەرىن تيگىزەدى دەيدى.

4. شايناۋ رەفلەكسى

ادام ساعىز شايناپ جاتقاندا ونىڭ پۋلسى جىلدامداي تۇسەدى ەكەن. ال بۇدان شىعاتىن نارسە، ەگەر پۋلس جىلدام بولاتىن بولسا، ميعا كوپ مولشەردە وتتەگى مەن گليۋكوزا ءتۇسىپ، ادامنىڭ ويلاۋ قابىلەتى ارتادى. بۇل دەرەك سەنىمسىز كورىنگەنىمەن، نيۋ-يورك زەرتتەۋشىلەرى مۇنى عىلىمي نەگىزدە دالەلدەپ شىققان. سونىمەن، قانداي دا ءبىر ماسەلەنى شەشۋدە نەمەسە ويعا اۋىرلىق تۇسىرەتىن جۇمىس كەزىندە ساعىز شايناۋدىڭ دا پايداسى بارىن بىلە جۇرەتىن بولدىق.

5. دارۋمەندەر

ميعا كۇش تۇسەتىن جۇمىس تا دەنە شىنىقتىرۋ جاتتىعۋىنا وتە ۇقساس كەلەدى. اۋىر جۇمىس ىستەگەن سوڭ مي دا اۋىرىپ، جۇمىسقا جارامسىز بولىپ قالادى ەكەن. دەنيەل ۋيلسون ەسىمدى نەۆرولوگ مامان كەڭەس بەرەدى: « B دارۋمەنى ميدىڭ قايتا قالىپقا كەلۋىنە سەپتىگىن تيگىزەدى. ال B دارۋمەنى سۇتتە، ناندا، جۇمىرتقا مەن باۋىردا بولادى. وسى تاعامداردى كوپ جەڭىز».

6. ماسەلەنى جۇدىرىقپەن شەشۋ

جوق، بۇل ءسىزدىڭ ويلاپ وتىرعان توبەلەس ەمەس. نەمىس پسيحولوگتارى شىعارماشىلىقتى تالاپ ەتەتىن جۇمىستى اتقارۋدا سول قول جۇدىرىعىڭىزدى ەكى مينۋتتاي قاتتىراق قىسىپ تۇرۋىڭىزدىڭ كەرەكتىگىن ايتادى.

بۇل جاتتىعۋ وڭ جاق مي بولىگىڭىزگە قاجەتتى مولشەردە نەيرونداردى بەلسەندى ەتەدى ەكەن. وسىلاي، جۇدىرىقتى قىسىڭىز دا، جۇمىس ىستەي بەرىڭىز!

دايىنداعان: ارداق قۇلتاي
«ماسساگەت» سايتى