اقتوبەنىڭ جىلتىر اۋىلىندا قۇم توقتاتۋ جۇمىسى باستالدى
اقتوبە. KAZINFORM - اقتوبە وبلىسى شالقار اۋدانى جىلتىر اۋىلىندا قۇم توقتاتۋ جۇمىسى باستالدى. اۋىلعا 20 مىڭ ءتۇپ كوشەت ەگىلەدى.
شالقار اۋدانى جىلتىر اۋىلىنىڭ تۇرعىندارى قۇم تەك قوراعا ەمەس، ۇيگە دە كىرە باستاعانىن ايتىپ، بىلتىر كومەك سۇرادى. بيىل قۇم توقتاتۋ جۇمىسى باستالىپ كەتتى.
- شالقار اۋدانىنداعى جىلتىر اۋىلىندا كوشپەلى قۇمدى توقتاتۋ جۇمىسى قولعا الىندى. كوشەتتى «ۇلكەن- بورسىق ورمان جانە جانۋارلار دۇنيەسىن قورعاۋ مەكەمەسى» ك مم - ءى ەگىپ بەرەدى، - دەدى اقتوبە وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ ءبولىم باسشىسى ەركەبۇلان تالاسپايەۆ.
ال شالقار اۋدانى اكىمدىگى تاراتقان اقپاراتقا سۇيەنسەك، بيىل جەرگىلىكتى بيۋدجەتتەن 7 ميلليون تەڭگە ءبولىندى. جۇمىستى ءوز مىندەتىنە العان «امانبايەۆ» ج ك- ءى قۇم شىعارۋ جۇمىسىن جۇرگىزىپ جاتىر. كەيىن كوشەت ەگۋ جۇمىسى باستالادى.
ايتا كەتەيىك، اقتوبەدە بارلىعى 19 اۋىلدا قۇم كوشكىنى ماسەلەسى بار. ولار تەمىر، ىرعىز، شالقار، بايعانين اۋداندارىندا ورنالاسقان.
اۆتور
التىناي ساعىندىقوۆا
