اقتوبەدە كيىك تاپتاعان القاپتىڭ ناقتى كولەمى انىقتالدى
اقتوبە. KAZINFORM - اقتوبەدە 395 گەكتار بيداي، 746 گەكتار كوپجىلدىق ەركەكشوپ القابى تاپتالعان. قازىر شارۋانىڭ ەگىس القابىندا كۇزەت بار.
اقتوبە وبلىسى ايتەكە بي اۋدانىنداعى «قۇمقۇدىق» ج ش س- ءى جەرگىلىكتى اكىمدىككە حاباردى 4 -مامىر كۇن بەردى. ال كەشە كوميسسيا بارىپ، ەگىس القابىن تەكسەردى.
- تەكسەرۋ كەزىندە 395 گ ا بيداي، 746 گ ا كوپجىلدىق ەركەكشوپ القابىنىڭ تاپتالعانى انىقتالدى. قازىرگى كەزدە «وحوتزووپروم» ءو ب» ر م ق ك وبلىستىق فيليال قىزمەتكەرلەرى كيىكتى ۇركىتۋ جۇمىسىن جۇرگىزىپ جاتىر. مۇنداي جاعداي سوڭعى 2-3 جىلدىقتا بايقالىپ تۇر. 2023 -جىلى وبلىس بويىنشا 16 مىڭ گ ا جەردى كيىك تاپتاپ كەتتى. ال جەرگىلىكتى اۋىل شارۋاشىلىعى قۇرىلىمدارى كيىك سانىن رەتتەۋ، شىعىندى وتەۋ تۋرالى ۇسىنىس ايتىپ كەلەدى.
وبلىس اكىمدىگى ق ر ەكولوگيا جانە تابيعي رەسۋرستار مينيسترلىگىنە، ق ر اۋىل شارۋاشىلىعىنا مينيسترلىگىنە ۇسىنىستى قاراۋ تۋرالى رەسمي حات جىبەرىلدى. سونىمەن بىرگە جەرگىلىكتى اتقارۋشى ورگان اقتوبە وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىمەن بىرگە ەگىس القابىن قورعاۋ ءۇشىن جۇمىس توبىن قۇردى، - دەپ حابارلادى اقتوبە وبلىسى اكىمىنىڭ باسپا ءسوز قىزمەتى.
ەسكە سالساق، اقتوبە وبلىسى ايتەكە بي اۋدانىنداعى «قۇمقۇدىق» ج ش س- ءنىڭ ديرەكتورى الەكساندر چەمودانوۆ ەگىس القابىنا كيىك كىرگەنىن ايتىپ، «وحوتزووپروم» مەكەمەسىنە، اقتوبە وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنا، جەرگىلىكتى اكىمدىككە حابار بەردى.
اۆتور
التىناي ساعىندىقوۆا
