اقتوبە وبلىسىندا مۇنايدى زاڭسىز وندىرگەن كومپانيا باسشىسىنىڭ ورىنباسارى سوتتالدى

استانا. KAZINFORM - اقتوبە وبلىسىندا شيكى مۇناي ءوندىرۋدى زاڭسىز جۇزەگە اسىرعان «سايگاك كازاحستان ب. ۆ. » كومپانياسى فيليالىنىڭ باس ديرەكتورىنىڭ ورىنباسارى سوتتالدى.

بۇل تۋرالى قارجىلىق مونيتورنينگ اگەنتتىگىنىڭ باسپا ءسوز قىزمەتى ءمالىم ەتتى.

«بۇعان دەيىن قارجىلىق مونيتورينگ اگەنتتىگى 2022 -جىلعى اقپاننان 2023 -جىلعى مامىرعا دەيىنگى كەزەڭدە اتالعان كومپانيانىڭ فيليالى «سايگاك» كەن ورنىنداعى كەلىسىم-شارت شەڭبەرىندە شيكى مۇناي ءوندىرۋدى جۇزەگە اسىرعانىن، بۇل رەتتە كەلىسىم-شارتتىڭ قولدانىلۋ مەرزىمى اياقتالعانىن انىقتادى»، - دەلىنگەن حابارلامادا.

ءمالىم بولعانداي، وسى جاعدايلارعا قاراماستان، ولار جىل بويى كەن ورنىندا مۇنايدى زاڭسىز ءوندىرۋ مەن ساقتاۋدى جالعاستىرعان.

جالپى كولەمى 3,5 مىڭ توننا بولاتىن 2 رەزەرۆۋاردا قۇنى 139 ميلليون تەڭگەگە وڭدەلگەن مۇناي مەملەكەت كىرىسىنە تاركىلەنگەن.

كەن ورنىن باسقارعان كومپانيا فيليالى باس ديرەكتورىنىڭ ورىنباسارى 3,5 جىلعا باس بوستاندىعىنان ايىرىلدى.

كەلتىرىلگەن شىعىن تولىق كولەمدە وتەلدى.

اۆتور

باقىتگۇل اباي قىزى