اقتوبە وبلىسىندا شەنەۋنىك پەن دەپۋتاتتار 672 ميلليون تەڭگە جىمقىردى دەگەن كۇدىككە ءىلىندى

اقتوبە. KAZIMFORM - مۇعالجار اۋدانىنىڭ قۇرىلىس ءبولىمىنىڭ باسشىسى مەن اۋداندىق ءماسليحات دەپۋتاتتارىنا قاتىستى سوتقا دەيىنگى تەرگەۋ اياقتالدى.

пара алу
Фото: Freepik

سىبايلاس جەمقورلىققا قارسى قىزمەتتىڭ اقتوبە وبلىسى بويىنشا دەپارتامەنتى مۇعالجار اۋدانىنىڭ قۇرىلىس ءبولىمىنىڭ باسشىسى مەن اۋداندىق ءماسليحات دەپۋتاتتارىنا قاتىستى سوتقا دەيىنگى تەرگەۋدى اياقتادى.

- ولار حالىقتىڭ الەۋمەتتىك وسال توپتارىنا ارنالعان كوپپاتەرلى تۇرعىن ءۇي تۇرىندەگى 70 پاتەرلى جاتاقحانانى ساتىپ الۋ ارقىلى 672 ميلليون تەڭگە سوماسىندا بيۋدجەت قاراجاتىن جىمقىردى دەپ كۇدىكتەلۋدە، - دەلىنگەن حابارلامادا.

تەرگەۋ سوتى كۇدىكتىلەرگە قاتىستى قاماۋدا ۇستاۋ جانە ءۇي قاماعىنا الۋ تۇرىندەگى بۇلتارتپاۋ شارالارىنا سانكتسيا بەردى.

تەرگەۋ اياسىندا كۇدىكتىلەردىڭ 640 ميلليون تەڭگەدەن استام سوماعا اقشالاي قاراجاتى مەن ءتۇرلى مۇلكىنە تىيىم سالىندى.

بۇدان باسقا، تەرگەۋ شەڭبەرىندە 359 ميلليون تەڭگە سوماسىندا ماتەريالدىق زالال ءوز ەركىمەن ءىشىنارا وتەلدى.

قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

ەسكە سالساق، مەكتەپ، اۋرۋحانا جانە ح ق ك و- داعى جەمقورلىقتى تەكسەرۋگە ەرەكشە نازار اۋدارىلاتىنى تۋرالى جازعان بولاتىنبىز.

اۆتور

نازىم بولەسوۆا

سوڭعى جاڭالىقتار