اقتوبەگە كوشىپ كەلگەن قانداستاردىڭ كوبى قالاعا قونىستاندى

اقتوبە. KAZINFORM - سوڭعى بەس جىلدا اقتوبەدە مىڭنان استام ەتنيكالىق قازاق كوشىپ كەلدى. بىلتىر 78 وتباسى قونىستاندى.

بىلتىر وڭىرگە 78 ەتنيكالىق قازاق وتباسى كوشىپ كەلدى. بارلىعى 106 ادام قونىستاندى. ولار وزبەكستان، رەسەي، تۇرىكمەنستان، قىرعىزستان، تاجىكستان مەن قىتايدان كەلدى.

- قانداستارىمىزدىڭ 55- ءى اقتوبە قالاسىنا ورنالاستى. ال وزگەسى العا، مۇعالجار، مارتوك، قارعالى اۋداندارىنا قونىستاندى. ەتنيكالىق قازاقتاردىڭ 71- ءى ەڭبەككە قابىلەتتى بولسا، 18- ءى بالا، وزگەسى زەينەتكەر. بىلتىر 19 ادام جۇمىسمەن قامتۋ بولىمدەرىنە جولىعىپ، تورتەۋى تۇراقتى ەڭبەككە ارالاستى. كاسىپكەرلىك نەگىزدەرىن مەڭگەرىپ، جاستار تاجىريبەسىنە دە ارالاسىپ جاتىر، - دەدى اقتوبە وبلىستىق جۇمىسپەن قامتۋ جانە الەۋمەتتىك باعدارلامالار باسقارماسى ءبولىمىنىڭ باسشىسى اقسۇلۋ جۇبانازاروۆا.

اقتوبە وبلىسىندا سوڭعى بەس جىلدا 840 ەتنيكالىق قازاق وتباسىنىڭ 1223 ادامى كوشىپ كەلدى.

ەسكە سالساق، بيىل 1070 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى.

جالپى 1991 -جىلدان بەرى رەسپۋبليكاعا 1 ميلليون 149 مىڭنان استام ەتنيكالىق قازاق ورالدى.

اۆتور

التىناي ساعىندىقوۆا