اقتاۋداعى ۇشاق اپاتى: يلحام اليەۆ رەسەيگە بارمايتىن بولدى
استانا. KAZINFORM - ازەربايجان پرەزيدەنتى يلحام اليەۆ رەسەي فەدەراتسياسىنىڭ پرەزيدەنتى ۆلاديمير پۋتينگە تەلەفون سوقتى، دەپ حابارلايدى Kazinform Trend-كە سىلتەمە جاساپ.
پرەزيدەنت يلحام اليەۆ تەلەفون ارقىلى سويلەسۋ بارىسىندا AZAL جولاۋشىلار ۇشاعىنىڭ اقتاۋدا اپاتقا ۇشىراۋىنا بايلانىستى سانكت-پەتەربۋرگتە وتەتىن ت م د-عا مۇشە مەملەكەتتەر باسشىلارىنىڭ بەيرەسمي سامميتىنە قاتىسا المايتىنىن ايتتى.
ەسكە سالا كەتسەك، باكۋ-گروزنىي J2-8243 ءنومىرلى رەيسىن ورىنداعان Embraer 190 ۇشاعى اقتاۋ قالاسىنان 3 شاقىرىم جەردە اپاتتى جاعدايدا قوندى.
وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى باردى.
اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.
ق ر كولىك مينيسترلىگى ءمالىم ەتكەندەي، ازەربايجان تاراپىنىڭ الدىن الا اقپاراتى بويىنشا، بورتتا 62 جولاۋشى مەن 5 ەكيپاج مۇشەسى بولعان.
ق ر پرەزيدەنتىنىڭ تاپسىرماسىمەن مەملەكەتتىك كوميسسيا قۇرىلدى.
زارينا تۋعانبايەۆا
اۆتور
