10:03, 20 - ءساۋىر 2025 | GMT +5
اقمولا وبلىسىندا زاڭسىز بەرىلگەن جەر ۋچاسكەسى قايتارىلدى
استانا. KAZINFORM - جەر زاڭناماسىن بۇزا وتىرىپ، 461 گ ا جايىلىمدىق جەردى جەكە مەنشىككە بەرگەنى انىقتالدى. بۇل تۋرالى اقمولا وبلىسىنىڭ پروكۋراتۋراسىنىڭ باسپا ءسوز قىزمەتى حابارلادى.
شورتاندى اۋدانىنىڭ پروكۋراتۋراسى جەر زاڭناماسىنىڭ ساقتالۋىنا تۇراقتى تۇردە مونيتورينگ جانە تالداۋ جۇرگىزەدى.
- تەكسەرۋ ناتيجەسىندە جەرگىلىكتى اتقارۋشى ورگاننىڭ جەر زاڭناماسىن بۇزا وتىرىپ، 461 گ ا جايىلىمدىق جەردى جەكە مەنشىككە بەرگەنى انىقتالدى، - دەلىنگەن حابارلامادا.
قابىلدانعان شارالاردىڭ ناتيجەسىندە نارىقتىق قۇنى 6,4 ميلليون تەڭگەدەن اساتىن جەر ۋچاسكەسى مەملەكەت مەنشىگىنە قايتارىلدى.
وسى باسىم باعىتتاعى جۇمىستار جالعاسىپ جاتىر.
ايتا كەتەلىك اباي وبلىسىندا 64,2 مىڭ گەكتار پايدالانىلماعان جەر مەملەكەت مەنشىگىنە قايتارىلدى.
اۆتور
نازىم بولەسوۆا
