اقمولا وبلىسىندا جول سالۋ كەزىندە ورەسكەل زاڭبۇزۋشىلىققا جول بەرىلگەن

سەلينوگراد اۋدانى قاراجار جانە جاڭاجول اۋىلدارىندا كەنتىشىلىك جولداردى سالۋ كەزىندە ورەسكەل زاڭبۇزۋشىلىقتار انىقتالدى، دەپ حابارلايدى قازاقپارات.

Фото: Александр Павский/ҚазАқпарат ХАА
Фото: Александр Павский/ҚазАқпарат ХАА

اقمولا وبلىسى پروكۋراتۋراسىنىڭ مالىمەتىنشە، مەردىگەر ۇيىم ءۇش جىل بويى اسفالت توسەۋ تەحنولوگياسىن ساقتاماۋ، تەحنيكالىق سۇيەمەلدەۋسىز جۇمىس جۇرگىزۋ، قۇرىلىس كەزىندە جارامسىز توپىراقتى پايدالانۋ ارقىلى كورسەتىلگەن شارتتار بويىنشا مىندەتتەمەلەردى تيىسىنشە ورىنداماعان.

سونىمەن قاتار جۇمىس جوبادان اۋىتقىپ جۇزەگە اسىرىلعانى انىقتالدى. اتالعان زاڭبۇزۋشىلىق ۋاكىلەتتى مەملەكەتتىك ورگاننىڭ تەكسەرۋىنەن كەيىن راستالدى.

اۋدان پروكۋراتۋراسى قابىلداعان شارالار بويىنشا مەردىگەرمەن جاسالعان ەكى شارت بۇزىلىپ، مەردىگەردى مەملەكەتتىك ساتىپ الۋعا جوسىقسىز قاتىسۋشى دەپ تانۋ جانە تۇراقسىزدىق ايىبىن ءوندىرىپ الۋ تۋرالى تالاپ ارىزى سوتقا جولداندى.

قازىر جوندەۋ جۇمىستارى توقتاتىلدى. اۋدان اكىمدىگى جاڭا كونكۋرس جاريالاۋ بويىنشا جۇمىستار جۇرگىزىپ جاتىر. وسىلايشا، وسى وبەكتىلەردى 3 ميلليارت تەڭگەدەن استام سوماعا نەگىزسىز قارجىلاندىرۋعا جول بەرىلمەدى.

قۇرىلىستىڭ ىسكە اسىرىلۋ بارىسىنا ءتيىستى باقىلاۋدىڭ جوقتىعى ءۇشىن جاۋاپتى كىنالى تۇلعالار تارتىپتىك جانە اكىمشىلىك جاۋاپكەرشىلىككە تارتىلدى.

اۆتور

ەلميرا ورالبايەۆا

سوڭعى جاڭالىقتار