اقمولا وبلىسىندا اتا-اناسى قان قۇيۋعا قارسى بولعان ءسابي قايتىس بولدى
اقمولا وبلىسىندا اتا-اناسى ءدىني نانىم بويىنشا قان قۇيۋعا قارسى بولعان 1 جاس 8 ايلىق ۇل بالا اۋرۋحانادا قايتىس بولدى، دەپ حابارلايدى قازاقپارات ءتىلشىسى.

اقمولا كوپسالالى وبلىستىق بالالار اۋرۋحاناسىنىڭ دارىگەرلەرى جاريالاعان مالىمەتكە سايكەس، 1 جاس 8-ايلىق ءسابي قىركۇيەكتىڭ 24-دە سان اۆياتسيانىڭ كومەگىمەن «اۆيتسەننا- بۋراباي» ج ش س- ءنىڭ انەستەزيولوگيا جانە رەانيماتسيا بولىمشەسىنە تۇسكەن.
بالاعا بىردەن «ەكىجاقتى پنيەۆمونيا، اۋىر دارەجەدەگى اسقىنۋى (سەپسيس، سپون، كوما 2. باستىڭ ءىسىنۋى مۇمكىن. Ou DZN ءىسىنۋى)» دياگنوزى قويىلدى.
دارىگەرلەردىڭ ايتۋىنشا، بالانىڭ اتا- اناسى مەديتسينالىق كومەككە وتە كەش جۇگىنگەن. بالا تۇسكەن كۇنى UMC « انا مەن بالا ۇلتتىق عىلىمي ورتالىعى» باس شتاتتان تىس بالالار رەانيماتولوگىمەن كونسۋلتاتسيا وتكىزىلدى، وندا بالاعا ومىرلىك كورسەتكىشتەرى بويىنشا قان مەن ونىڭ كومپونەنتتەرىن قۇيۋ ۇسىنىلدى.
- ول ءۇشىن قولدانىستاعى نورماتيۆ بويىنشا كامەلەتكە تولماعانداردىڭ زاڭدى وكىلدەرىنىڭ كەلىسىمى تالاپ ەتىلەدى (حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستىڭ 137-بابىنىڭ 2-بولىگى، وسى كودەكستىڭ 78-بابىنىڭ 2-بولىگى كوزدەلگەن جاعدايلاردى قوسپاعاندا، كامەلەتكە تولماعاندارعا قاتىستى مەديتسينالىق كومەك كورسەتۋگە كەلىسىمدى جانە سوت ارەكەتكە قابىلەتسىز دەپ تانىعان ادامدار ءۇشىن كەلىسىمدى ولاردىڭ زاڭدى وكىلدەرى بەرەدى.). بۇل رەتتە، مەديتسينا قىزمەتكەرلەرىنىڭ سەنىمدەرىنە قاراماستان، اتا-اناسى ءدىني نانىمدار بويىنشا قان قۇيۋعا كەلىسىم بەرمەدى. اتا- اناسىنىڭ قان قۇيۋدان ءۇزىلدى-كەسىلدى باس تارتۋىن ەسكەرە وتىرىپ، اۋرۋحانا ديرەكتورىنىڭ مەديتسينالىق ءبولىم جونىندەگى ورىنباسارى، اقمولا وبلىسى بويىنشا كامەلەتكە تولماعانداردىڭ قۇقىقتارىن قورعاۋ جونىندەگى ۋاكىلدىڭ دەنساۋلىق ساقتاۋ باسقارماسىنىڭ انا مەن بالا دەنساۋلىعىن قورعاۋ ءبولىمىنىڭ باسشىسى جانە اۋرۋحانا زاڭگەرى بىرلەسىپ كونسيليۋم وتكىزدى.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2020 -جىلعى 7 -شىلدەدەگى № 360-VI كودەكسىنىڭ 136-بابىنىڭ 4-تارماعىنا سايكەس كامەلەتكە تولماعان نە ارەكەتكە قابىلەتسىز ادامنىڭ زاڭدى وكىلدەرى اتالعان ادامداردىڭ ءومىرىن ساقتاپ قالۋ ءۇشىن قاجەتتى مەديتسينالىق كومەكتەن باس تارتقان كەزدە مەديتسينالىق ۇيىم قورعانشىلىق جانە قامقورشىلىق ورگانىنا جانە (نەمەسە) سوتقا جۇگىنۋگە قۇقىلى.
وسىعان بايلانىستى، اۋرۋحانا زاڭ تالاپتارىنا سايكەس وبلىستىڭ جانە بۋراباي اۋدانىنىڭ قورعانشىلىق جانە قامقورشىلىق ورگاندارىنا جەدەل تارتىپپەن قان قۇيۋ تۋرالى ماسەلەنى شەشۋ ءۇشىن جۇگىندى، - دەپ ءتۇسىندىردى ۆەدومستۆودا، - دەدى اۋرۋحانا دارىگەرلەرى.
قامقورشىلىق ورگاندارى جاس بالانىڭ اتا- اناسىمەن قايتا اڭگىمەلەسكەنىنە قاراماستان، ولار قاجەتتى پروتسەدۋرالاردى جۇرگىزۋگە سەندىرە المادى. اتا- اناسى بالانىڭ ءومىرى ءۇشىن جاۋاپكەرشىلىك تۋرالى جازباشا قولحات بەردى.
- ايتا كەتۋ كەرەك، بالا اۋرۋحاناعا تۇسكەن كەزدە بالانىڭ جاعدايى وتە اۋىر بولدى، ويتكەنى اسقىنۋلاردىڭ ءبىرى كوپتەگەن ورگانداردىڭ جەتكىلىكسىزدىگى بولدى، بۇل ومىرلىك ماڭىزدى ورگانداردىڭ جۇمىسىنىڭ توقتاتۋىنا اكەلدى. 28-قىركۇيەكتە ناۋقاس بالانىڭ جاعدايى ناشارلاپ، جانساقتاۋ بولىمشەسىندە قايتىس بولدى. ونىڭ ءومىرىن ساقتاپ قالۋ ءۇشىن بارلىق مەديتسينالىق كومەك ۋاقتىلى كورسەتىلدى، - دەپ قوستى دارىگەرلەر.
دەنساۋلىق ساقتاۋ باسقارماسىنان اتاپ وتكەندەي، كامەلەتكە تولماعان ناۋقاستارعا مەديتسينالىق كومەك كورسەتۋ ماسەلەسى وزەكتى بولىپ تابىلادى. ويتكەنى، قر زاڭناماسى ەمدەۋگە جانە جەدەل ارالاسۋعا مىندەتتى كەلىسىمدى كوزدەيدى. ءدىني نانىم بويىنشا مەديتسينالىق كومەك كورسەتۋدەن باس تارتىلعان جاعدايدا مەديتسينا قىزمەتكەرلەرىنىڭ جۇمىسىنا كەدەرگىلەر جاسالادى.
- وسى ماسەلە بويىنشا ورتالىق مەملەكەتتىك ورگاندارعا ءتيىستى حاتتار دايىندالۋدا، - دەپ تولىقتىردى ۆەدومستۆودان.
اقمولا وبلىسى پ د مالىمەتىنشە، وسى دەرەك بويىنشا سوتقا دەيىنگى تەرگەۋ شارالارى باستالدى. تەرگەۋ مۇددەسى ءۇشىن وزگە دە اقپارات جاريالاۋعا جاتپايدى.
ايتا كەتەيىك، بۇدان بۇرىن ءدىني ماتەريالدار تاراتقان كوكشەتاۋلىق ايەل اكىمشىلىك جازاعا تارتىلعانىن جازعان ەدىك.
اۆتور
اسلان وسپانوۆ