اقجارقىن تۇرلىبايدىڭ ىسىمەن ەندى باس پروكۋراتۋرا اينالىسادى – س ءى م

استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ قىتايدا ءجۇرىپ ەسىرتكى ساۋداسى بويىنشا كۇدىككە ءىلىنىپ، ءومىر بويىنا سوتتالعان اقجارقىن تۇرلىبايدىڭ ءىسى قانداي ساتىدا ەكەنىن ايتتى.

- باس پروكۋراتۋرا جەلىسى بويىنشا جۇمىس ءجۇرىپ جاتىر. ءبىز ىستەۋىمىز كەرەك جۇمىستىڭ ءبارى ىستەلدى. ارى قاراي باس پروكۋراتۋرا جەلىسى بويىنشا اقپارات الماسۋ بولادى، - دەدى ول ۆەدومستۆونىڭ ءداستۇرلى باسپا ءسوز ءماسليحاتىندا.

ايتۋىنشا، قازاقستان ديپلوماتتارى جىل سايىن شەتەلدە تۇرمەدە وتىرعان قازاقستان ازاماتتارىنا بارىپ، كەزدەسىپ وتىرادى.

- بۇل - ءبىزدىڭ كۇندەلىكتى كۇيبەڭ جۇمىسىمىز. ول باعىتتا جۇمىس ءجۇرىپ جاتىر. بيىل ديپلوماتتار اقجارقىن تۇرلىبايعا باردى ما، جوق پا، ونى قازىر ناقتى ايتا المايمىن، - دەدى ايبەك سماديار.

ەسكە سالساق، بىلتىر جىل اياعىندا باس پروكۋروردىڭ ورىنباسارى عالىمجان قويگەلديەۆ قىتايدا سوتتالعان اقجارقىن تۇرلىبايدى قازاقستانعا قايتارۋ كەلىسسوزدەرى جالعاسىپ جاتقانىن ايتقان ەدى.

اۆتور

ەسىمجان ناقتىباي