اقشا، ءاتىر، وپا-دالاپ: قىزدار مەرەكەدە قانداي سىيلىق العىسى كەلەدى

استانا. KAZINFORM - بيىل قاڭتار ايىنىڭ قورىتىندىسى بويىنشا قازاقستاندا گۇل باعاسى ءبىر جىلدا %8,2- عا وسكەن.

Energyprom زەرتتەۋىنە سەنسەك، اسىرەسە قاراعاندى وبلىسىندا باعانىڭ شارىقتاعانى (%41,5) بايقالادى. انتيليدەر قاتارىندا الماتى وبلىسى (%18,1) جانە استانا قالاسى (%14,5) بار.

باعانىڭ ەڭ تومەن جىلدىق ءوسىمى الماتىدا تىركەلدى (%1,3).

اقمولا، جامبىل جانە جەتىسۋ وبلىستارىندا باعالار وتكەن جىلدىڭ قاڭتار ايى دەڭگەيىندە قالدى. تاعى ەكى وڭىردە باعالار تومەندەگەن.

اتاپ ايتساق، پاۆلودار وبلىسىندا %0,9- عا، ۇلىتاۋ وبلىسىندا %6,1- عا ارزانداعان.

ەلىمىزدىڭ اۋىل شارۋاشىلىعى نارىعىندا قاڭتار ايىندا راۋشان گۇلى ورتا ەسەپپەن 946 تەڭگەدەن ساتىلعان (1 داناسى).

اباي وبلىسىنىڭ تۇرعىندارىنا قىمباتقا تۇسكەنىن (1,4 مىڭ تەڭگە) اتاپ وتكەن ءجون.

قوستاناي (1,3 مىڭ تەڭگە) جانە شىعىس قازاقستان (1,2 مىڭ تەڭگە) وبلىستارىندا ءسال-ءپال ارزان باعامەن ساۋدالانعان.

ال شىمكەنتتىكتەر ءبىر راۋشان گۇلگە نەبارى 600 تەڭگە جۇمساعان.

ايتپاقشى، 2022 -جىلى picodi.com جۇرگىزگەن ساۋالناماعا سايكەس، قازاقستاندىق ايەلدەردىڭ 39% عانا مەرەكەگە گۇل العىسى كەلەدى ەكەن.

ايەلدەردىڭ %87 - جۇمىستا، %89 - جاقىن ادامدارىنان گۇل الادى.

ايتا كەتەيىك، ساۋالناماعا سايكەس، گۇل تاڭداۋلى سىيلىقتار اراسىندا بەسىنشى ورىندا.

ايەلدەر قاۋىمى سىيلىققا كوبىنە اقشا (%69)، پارفيۋمەريا (%63) جانە كوسمەتيكا (%54) العىسى كەلەدى.

سونداي- اق، مەرەكەگە وراي الكوگول (%50)، ءىش كيىم (%44) جانە اشىق حات (%38) قالايتىندار دا بار.

اۆتور

ورالحان قوجانوۆ