اقپان ايىندا شەكارادا 2559 زاڭ بۇزۋشى ۇستالدى - ۇ ق ك

استانا. KAZINFORM - اقپان ايىندا شەكارا كەڭىستىگىندە 2559 ق ر زاڭنامالارىن بۇزۋشى ۇستالدى، دەپ حابارلايدى ق ر ۇ ق ك باسپا ءسوز قىزمەتى.

ۇ ق ك شەكارا قىزمەتى 2024-جىلدىڭ اقپانىندا قۇزىرلى ورگاندارمەن ءوزارا ارەكەتتەسە وتىرىپ، شەكارا كەڭىستىگىندە 2559 ق ر زاڭنامالارىن بۇزۋشىنى ۇستادى.

سونىڭ ىشىندە 24 شەتەل ازاماتى شەكارانى بۇزعانى ءۇشىن، 17 شەتەل ازاماتى شەكارانى بۇزۋعا ارەكەتتەنگەنى ءۇشىن ۇستالعان.

مەملەكەتتىك شەكارا ارقىلى 996 زاڭسىز زات الىپ ءوتۋ فاكتىلەرىنىڭ جولى كەسىلدى، ونىڭ ىشىندە:

54 فاكتى - ەسىرتكى زاتتارى، جالپى سالماعى 60 ك گ جوعارى؛

20 فاكتى - اتۋ قارۋى مەن وق-دارىلەر (6 دانا اتۋ جانە 140 دانا سۋىق قارۋى، 32 دانا وق-ءدارى)؛

63 فاكتى - ءدىني ادەبيەت (3078 دانا)؛

330 فاكتى - جالپى سوماسى 8 ميلليون تەڭگەدەن اساتىن جانار-جاعارماي ماتەريالدارى (38101 ليتر)؛

حالىقتىق تۇتىنۋ تاۋارلارى - 429 فاكتى، جالپى سوماسى 1,4 ميلليارد تەڭگەدەن استام؛

شەتەل ۆاليۋتاسى - 100 فاكتى، جالپى سوماسى 1 ميلليارد تەڭگەدەن استام.

كاسپي اكۆاتورياسىندا 18 براكونەرلىك فاكتىلەرىنىڭ الدى الىندى، سونداي-اق:

9,5 ك م توردى قۇرايتىن براكونەرلىك اۋلاۋ قۇرالدارى؛

109 دانا (454 ك گ) بەكىرە تۇقىمداس بالىقتار؛

39 دانا (93 ك گ) تازا تۇقىمداس بالىقتار تاركىلەندى.

الدى الىنعان زالال سوماسى 173,5 ميلليون تەڭگەنى قۇرايدى.

بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.

مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق، بارلىق وتكىزۋ پۋنكتتەرى شتاتتىق رەجيمدە جۇمىس ىستەۋدە.

اۆتور

ەربول جانات