انتيكور مارات بەكەتايەۆتىڭ ۇستالعانىن راستادى

Мухтор Холдорбеков/ агентство Kazinform
Фото: Фото: Мухтор Холдорбеков/ агентство Kazinform

سىبايلاس جەمقورلىققا قارسى ءىس- قيمىل اگەنتتىگى بۇرىنعى ادىلەت ءمينيسترى مارات بەكەتايەۆتىڭ ۇستالعانىن راستادى، دەپ حابارلايدى Kazinform.

«ۇستالعان ادامنىڭ بۇرىنعى ادىلەت ءمينيسترى م. بەكەتايەۆ ەكەنىن راستايمىز. ونى قاماۋعا الۋعا سوت سانكسيا بەردى»، - دەدى سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى ارمان تىلەۋكەنوۆ.

ونىڭ ايتۋىنشا، قازىرگى ۋاقىتتا كۇدىكتى سوتتىڭ سانكسياسىمەن قاماۋعا الىندى. تەرگەۋ مۇددەسى ءۇشىن باسقا اقپارات جاريا ەتىلمەيدى.

ەسكە سالا كەتەيىك، 21 -قازان كۇنى انتيكور بۇرىنعى ادىلەت ءمينيسترىنىڭ لاۋازىمدىق وكىلەتتىگىن اسىرا پايدالاندى دەگەن كۇدىكپەن ۇستالعانىن حابارلاعان ەدى.

ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەلەرىن قولدادى. بۇل ارەكەت مەملەكەتكە ۇلكەن زيان كەلتىرگەن. قازىر اكتيۆتەردى قايتارۋ بويىنشا جۇمىس جالعاسىپ جاتىر.

اۆتور

داۋلەت ىزتىلەۋ

سوڭعى جاڭالىقتار