انتاركتيداداعى قاردان العاش رەت پلاستيك تابىلدى

استانا. قازاقپارات - عالىمدار انتاركتيداداعى قاردان العاش رەت ميكروپلاستيك تاپتى. بۇل تۋرالى مۇزدى قۇرلىقتاعى بريتانيالىق قىزمەت وكىلدەرى مالىمدەگەن.

زەرتتەۋشىلەر يۋنيون جانە شانتس مۇزدىقتارىنان ۇلگى العان. ساراپتاما 1 ليتر قاردا 73-تەن 3 مىڭعا دەيىن پلاستيك بارىن انىقتادى. كوبىسىنىڭ كولەمى ادامنىڭ جاسۋشاسىمەن بىردەي. ياعني اعزاعا كىرۋگە قابىلەتتى.

ساراپشى كلارا ماننونىڭ ايتۋىنشا، پلاستيكتەر انتاركتيداداعى لاگەرلەردە پايدالانىلعان كيىم-كەشەك، ارقان، شولمەكتەر، جالاۋلار مەن ءتۇرلى قاپتامالاردىڭ قالدىعىنان جينالعان بولۋى مۇمكىن. قارعا تۇسكەن پلاستيك مۇلدە جويىلمايدى، كەرىسىنشە، جىلۋ بولەدى.