17:30, 10 - قاڭتار 2025 | GMT +5
انتاركتيدادا 2800 مەترلىك مۇز قاباتى بۇرعىلاندى
استانا. قازاقپارات - انتاركتيدادا 2 مىڭ 800 مەتر تەرەڭدىكتەگى مۇز قاباتى بۇرعىلاندى. بۇل بەيوند ەپيكا (Beyond Epica) حالىقارالىق جوباسىنىڭ اياسىندا عىلىمي زەرتتەۋ ءۇشىن جۇرگىزىلىپ وتىر.
ونىڭ نەگىزگى ماقساتى كليماتتىڭ وزگەرۋىمەن كۇرەس. عالىمدار وسى ارقىلى پارنيكتىك گازداردىڭ عاسىرلار بۇرىن اۋاعا قانشالىقتى تارالعانىن انىقتاماقشى. ولاردىڭ پىكىرىنشە، مۇنداعى مۇز قاباتىنىڭ جاسى 1,5 ميلليون جىلدان اسۋى مۇمكىن. بۇل ادامزاتقا جەر اتموسفەراسى مەن كليماتتىڭ قالىپتاسۋ جولىن تۇسىنۋگە كومەكتەسەدى. عالىمدار جوبانى 4 جىل بۇرىن باستاعان. ەكسپەديتسيا قۇرامىندا 16 عالىم مەن كومەكشى ماماندار بار.
24.kz
