08:50, 02 - قازان 2023 | GMT +5
انكارادا جارىلىس بولدى
تۇركيا استاناسىنداعى قىزىلاي اۋدانىندا ەلدىڭ ىشكى ىستەر مينيسترلىگى باسقارماسىنىڭ باس عيماراتى ماڭىندا جارىلىس بولدى، دەپ حابارلايدى قازاقپارات مەنشىكتى ءتىلشىسى.

تۇركيا ىشكى ىستەر ءمينيسترى الي يەرليكايدىڭ سوزىنشە، انكارادا مينيسترلىك عيماراتىنىڭ جانىندا لاڭكەستىك ارەكەت جاسالدى. قىلمىسكەرلەردىڭ ءبىرى ءوزىن جارىپ جىبەرسە، ەكىنشىسىنىڭ كوزى جويىلدى.
«اتىس كەزىندە پوليتسيانىڭ 2 قىزمەتكەرى ومىرگە قاۋىپ توندىرمەيتىن جاراقات الدى»، - دەپ حابارلادى مەكەمەدەن.
وقيعا بولعان اۋدانعا جاقىن جەردە ءبىرقاتار جولدا قوزعالىس توقتاتىلدى. توتەنشە جاعداي ورنىن پرەزيدەنت كۇزەتى دە باقىلاپ تۇر.
اۆتور: اقجىگىت شۇكىبايەۆ