امەريكالىق كورپوراتسيا TikTok -تى ساتىپ الۋعا قىزىعۋشىلىق تانىتىپ وتىر - ترامپ

استانا. KAZINFORM - پرەزيدەنت دونالد ترامپ Microsoft كورپوراتسياسى TikTok الەۋمەتتىك جەلىسىنىڭ امەريكالىق بولىمشەسىن ساتىپ الۋ بويىنشا كەلىسسوزدەر جۇرگىزىپ جاتقانىن مالىمدەدى.

ىقتيمال ساتىپ الۋ زاڭ شىعارۋشىلاردىڭ TikTok-تىڭ قىتاي ۇكىمەتىمەن بايلانىسى تۋرالى كوتەرگەن الاڭداۋشىلىعىن سەيىلتە الادى، بۇل شەتەلدىك دەرجاۆاعا پايدالانۋشىلاردىڭ دەرەكتەرىنە قول جەتكىزۋگە جانە امەريكالىقتارعا اسەر ەتۋگە مۇمكىندىك بەرەدى، دەپ حابارلايدى News Week.

كەيبىر مالىمەتكە سايكەس، TikTok-تىڭ باس كومپانياسى ByteDance قوسىمشانى 200 ميلليارد دوللارعا باعالاپ وتىر.

مامىلە امەريكالىق كومپانيانىڭ TikTok-تى باقىلاۋىنا الۋىنا جاعداي جاسايدى، بۇل ByteDance قوسىمشاسىنىڭ تولىق ساتىلۋىن تالاپ ەتەتىن زاڭ شىعارۋشىلاردى الاڭداتپايدى.

بۇعان دەيىن پرەزيدەنت ترامپ TikTok-قا تىيىم سالۋدى كەيىنگە قالدىرعانىن جازعان بولاتىنبىز.

اۆتور

زارينا تۋعانبايەۆا