11:40, 10 - مامىر 2024 | GMT +5
پاۆلوداردا 4 جاسار قىز بەسىنشى قاباتتان قۇلاپ كەتتى
پاۆلودار. KAZINFORM - زارداپ شەككەن بالا قازىرگى ۋاقىتتا اۋرۋحانادا جاتىر. دارىگەرلەر جاعدايىن ورتاشا اۋىر دەپ باعالادى.

وبلىس ورتالىعىنداعى كوپقاباتتى ۇيلەردىڭ بىرىنەن 2020 -جىلعى قىز بالا قۇلاپ كەتكەن. بۇل تۋرالى پاۆلودار وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى حابارلادى.
«103 وپەراتورىنا كوپقاباتتى ءۇيدىڭ 5-قاباتىنان 4 جاسار ءبۇلدىرشىننىڭ قۇلاپ كەتكەنى تۋرالى اقپارات ءتۇستى. جەدەل جاردەم بريگاداسى وقيعا ورنىنا 5 مينۋتتا جەتكەن. ول وبلىستىق بالالار اۋرۋحاناسىنىڭ جاراقات بولىمىنە جاتقىزىلدى»، - دەپ مالىمدەدى باسپا ءسوز قىزمەتىنەن.
بالانىڭ ميى شايقالىپ، جابىق مي جاراقاتىن العان.
اۆتور
مۇرات اياعان