پاۆلودار وبلىسىندا فرانسۋزدىق ينۆەستوردى 100 ميلليون تەڭگە زاڭسىز تولەۋگە مىندەتتەگەن

Павлодар
Фото: Максат Шағырбаев / Kazinform

باس پروكۋراتۋرا فرانسۋز ينۆەستورىنىڭ قۇقىعىن قورعادى، دەپ حابارلايدى Kazinform ۆەدومستۆونىڭ باسپا ءسوز قىزمەتىنە سىلتەمە جاساپ.

«پروكۋراتۋرا ورگاندارى مەملەكەت باسشىسىنىڭ تاپسىرماسىنا سايكەس ماڭىزدى ينۆەستيتسيالىق جوبالاردى سۇيەمەلدەۋ بويىنشا جۇمىستى جالعاستىرىپ جاتىر. پروبلەمالاردى ءتيىمدى شەشۋ، ينۆەستورلاردىڭ قۇقىعى مەن زاڭمەن قورعالاتىن مۇددەلەرىن قالپىنا كەلتىرۋ بولىپ تابىلاتىن باستى مىندەت قاداعالاۋ قىزمەتىنىڭ باسىم باعىتتارىنىڭ ءبىرى. باس پروكۋراتۋرا مەن «Kazakh Invest» ۇ ك» ا ق (Task Force) بىرلەسكەن جۇمىسى شەڭبەرىندە 2018 -جىلدان باستاپ پاۆلودار مۇناي-حيميا زاۋىتىندا سۋتەكتەردى ءوندىرۋ جونىندەگى جوبالاردى ىسكە اسىراتىن «Air Liquide» فرانسۋز ينۆەستورىنىڭ پروبلەماسى انىقتالدى. اتالعان فرانسۋز كومپانياسى ونەركاسىپ، دەنساۋلىق ساقتاۋ جانە ەكولوگيا ءۇشىن گاز وندىرۋدە الەمدىك كوشباسشى بولىپ تابىلادى. پاۆلودار وبلىسىنىڭ سالىق ورگاندارى ينۆەستوردىڭ اتىنا 99,8 ميلليون تەڭگە سوماسىنا ق ق س جانە كەدەندىك باج تولەۋ تۋرالى حابارلامانى زاڭسىز ەنگىزگەن. ينۆەستورعا يمپورتتالاتىن تاۋاردىڭ جىكتەلۋىن دۇرىس انىقتاماعان»، - دەلىنگەن باس پروكۋراتۋرا حابارلاماسىندا.

پروكۋراتۋرانىڭ قاداعالاۋ اكتىسى بويىنشا 3 كۇن ىشىندە حابارلاما جويىلدى. جول بەرىلگەن بۇزۋشىلىق ءۇشىن پاۆلودار وبلىسى مەملەكەتتىك كىرىستەر دەپارتامەنتىنىڭ لاۋازىمدى تۇلعاسى تارتىپتىك جاۋاپكەرشىلىككە تارتىلدى.

جالپى، بۇگىندە پروكۋرورلار ينۆەستورلاردىڭ 85 پروبلەمالىق كەيسىن شەشتى. بۇل جۇمىس جالعاسىپ جاتىر جانە باس پروكۋراتۋرا باسشىلىعىنىڭ باقىلاۋىندا.

اۆتور

ەلميرا ورالبايەۆا

سوڭعى جاڭالىقتار