پاۆلوداردا اۋىل شارۋاشىلىعىنا 400 دەن استام مامان جەتىسپەيدى
پاۆلودار. KAZINFORM - ەرتىس- بايان وڭىرىندە اۋىل شارۋاشىلىعى سالاسىندا 444 مامانعا سۇرانىس بار. اسىرەسە اگرونوم، مەحانيزاتور، ۆەتەرينار جانە ينجەنەر-مەحانيكتەرگە مۇقتاجدىق باسىم.
«اتامەكەن» كاسىپكەرلەر پالاتاسىنىڭ ساۋالناماسى وبلىستاعى اۋىل شارۋاشىلىعى كاسىپورىندارىنا قاجەتتى كادرلاردىڭ جەتكىلىكسىز ەكەنىن كورسەتكەن. جالپى وڭىردەگى 614 كاسىپورىندا جۇمىسشى ماماندارعا سۇرانىس بار.
- مىسال ءۇشىن استىقتى تەرەڭ وڭدەۋ باعىتىنداعى كاسىپورىندار كوبەيگەنىمەن، بىلىكتى تەحنولوگتار مەن زەرتحاناشىلار تاپشىلىعى ساقتالىپ وتىر. وڭىردە بيداي قابىلدايتىن ونعا جۋىق ءىرى ەليەۆاتور جۇمىس ىستەيدى. مۇندا استىقتىڭ ساپاسىن تەكسەرىپ، ءونىمنىڭ تالاپقا سايكەستىگىن باعالايتىن ماماندار قاجەت، - دەپ حابارلادى وڭىرلىك كاسىپكەرلەر پالاتاسىنان.
كادر تاپشىلىعىن ازايتۋ ماقساتىندا وبلىستا دۋالدى وقىتۋ جۇيەسىنە دەن قويعان. بۇگىندە 144 كاسىپورىن كوللەدجدەرمەن بىرلەسىپ ماماندار دايارلاۋعا قاتىسادى. سونىمەن قاتار كەيبىر اۋدانداردا قىسقا مەرزىمدى كاسىپتىك وقىتۋ باعدارلامالارى ارقىلى قاجەتتى كادرلاردى جەدەل دايارلاۋعا مۇمكىندىك بار. نارىق سۇرانىسىنا ساي مامانداردى جەكە كاسىپكەرلەردىڭ بازاسىندا وقىتۋ دا قولعا الىنعان. ماسەلەن، ۋسپەن اۋدانىندا ومارتاشىلاردى دايارلايتىن ارنايى ورتالىق اشىلعان.
بۇعان دەيىن ەلىمىزدە قانداي جۇمىسشى ماماندارعا تاپشىلىق بارىن جازعانبىز.
