الەۋمەتتىك جەلىدە جۇرتتان جىلۋ جينايتىندار قاتاڭ باقىلاۋعا الىنادى
استانا. قازاقپارات - ەلدە الەۋمەتتىك جەلى ارقىلى اقشا جينايتىندار قاتاڭ باقىلاۋعا الىنادى. قازىر ءتيىستى زاڭ جوباسى اشىق تالقىلاۋعا شىعارىلدى. ەندى اقشا جيناۋ ءۇشىن «قايىرىمدىلىق ەرىكتىسى» مارتەبەسىن الۋ مىندەتتەلەدى، دەپ حابارلايدى 24KZ.
كومەككە دەپ جۇرتتان جىلۋ جيناعانداردان، قاراجاتتىڭ قايدا جانە قالاي جۇمسالعانى جونىندە ەسەپ سۇرالادى. مادەنيەت جانە اقپارات مينيسترلىگى ازىرلەگەن زاڭ جوباسى ينستاگرام، تيكتوك ارقىلى اقشا جيناۋ ءتارتىبىن قاتاڭداتۋدى كوزدەيدى.
ارىس داناعاتوۆ، زاڭگەر:
- مۇنداي قاراجات ارنايى سايت ارقىلى عانا جينالۋى كەرەك. باسقا جولدارمەن اقشا جيناۋعا بولمايدى. قازىر كەيبىر ادامدار مۇنى تابىس كوزىنە اينالدىرىپ، ايانىشتى ۆيدەولار نەمەسە ج ي كومەگىمەن جاسالعان روليكتەر جاريالاپ ءجۇر. سوندىقتان مەن ءوزىم دە قاراجاتتى كىمگە جانە قالاي اۋدارىپ جاتقانىمدى تەكسەرەمىن. اقشانىڭ زاڭدى تۇلعانىڭ شوتىنا ما، الدە جەكە ادامنىڭ كارتاسىنا ما تۇسەتىنىن انىقتايمىن. ارينە، بۇل جەردە سۇراق كوپ. كارتا كىمنىڭ اتىنا تىركەلگەن؟ اقشا كىمنىڭ شوتىنا ءتۇسىپ جاتىر؟ جينالعان جانە جۇمسالعان ءاربىر قاراجات بويىنشا ەسەپ بەرىلۋى كەرەك.
بۇدان بىلاي ءبىرىڭعاي سيفرلىق رەسۋرسقا جىلۋ جيناۋ تۋرالى مالىمەت ورنالاستىرۋ شارت. ەگەر قاراجات باسقا بىرەۋ ءۇشىن جينالسا، سول ادامنىڭ رۇقساتىن راستايتىن قۇجات تالاپ ەتىلۋى مۇمكىن. جينالعان اقشانى ماقساتسىز پايدالانعان جاعدايدا، اكىمشىلىك، ءتىپتى قىلمىستىق جاۋاپكەرشىلىككە تارتۋ قاراستىرىلعان.
24.kz
