التاي مەن اتىراۋ اراسىنداعى بارشا جۇرت تاريحتىڭ جاڭا پاراعىن ءبىر مەزەتتە اشتى - پرەزيدەنت
استانا. KAZINFORM - پرەزيدەنت قاسىم- جومارت توقايەۆ قازاقستاندىقتاردى جاڭا جىل مەرەكەسىمەن قۇتتىقتادى.
- قىمباتتى وتانداستار! سىزدەردى جاڭا جىل مەرەكەسىمەن شىن جۇرەكتەن قۇتتىقتايمىن! بۇگىن ءبارىمىز ءجۇز جىلدىقتىڭ شيرەك عاسىرلىق بەلەسىنە قادام باسقالى تۇرمىز. بيىل التاي مەن اتىراۋ اراسىنداعى بارشا جۇرت تاريحتىڭ جاڭا پاراعىن ءبىر مەزەتتە اشادى، - دەدى پرەزيدەنت.
مەملەكەت باسشىسى ەكى جىلدىڭ توعىسار تۇسىن ىزگى نيەتپەن، ەرەكشە كوڭىل كۇيمەن كۇتەتىن حالىققا، ەڭ الدىمەن اماندىق تىلەدى.
- بۇل - ناعىز وتباسىلىق مەرەكە. سوندىقتان، مەن بارشاڭىزعا، ەڭ الدىمەن، ەلىمىز امان، جۇرتىمىز تىنىش، باۋىرىمىز ءبۇتىن بولسىن دەگىم كەلەدى، - دەپ تىلەگىن ءبىلدىردى قاسىم- جومارت توقايەۆ.
ەسكە سالا كەتسەك، 2024 -جىلعى 1-ناۋرىز كۇنى قازاقستاندا ءبىرىڭعاي ۋاقىت بەلدەۋى (UTC+5) ورناعان بولاتىن.
پرەزيدەنت قۇتتىقتاۋىنىڭ تولىق ءماتىنىن مىنا سىلتەمە ارقىلى وقي الاسىز.
