پالەستينالىق شاشتاراز سوعىس جاعدايىندا دا جۇمىسىن توقتاتپادى

استانا. قازاقپارات – 26 جاستاعى ابدۋللا تاۋفيك رامادان گازا سەكتورىنداعى ءال-بۋرەيدج بوسقىندار لاگەرىندە شاشتاراز اشتى. يزرايلدىڭ پالەستينا انكلاۆىنا قارسى شابۋىلى كەزىندە شاشتاراز عيماراتىنا سنارياد ءتيدى.

سالدارىنان ءبىر قابىرعاسى وپىرىلىپ قالسا دا، ول قازىر اشىق اسپان استىندا، ۇيىندىمەن كومكەرىلگەن ويپاتتا ادامدارعا قىزمەت كورسەتۋدى جالعاستىرىپ جاتىر، دەپ جازادى Euronews.

گازانىڭ دەنساۋلىق ساقتاۋ مينيسترلىگى ءوزىنىڭ سوڭعى ەسەبىندە 7 -قازاننان بەرى انكلاۆتا 37551-دەن استام ادامنىڭ قازا تاپقانىن، ولاردىڭ كوپشىلىگى ايەلدەر مەن بالالار ەكەنىن حابارلادى.

تاعى 86 مىڭ ادام جاراقات الدى.

يزرايلدىڭ گازا سەكتورىنا اسكەري شابۋىلى پالەستينالىق حاماس توبىنىڭ 2023 -جىلدىڭ -قازانىندا يزرايلدىڭ وڭتۇستىگىنە جاساعان بۇرىن-سوڭدى بولماعان شابۋىلىنا جاۋاپ بولدى.

يزرايل بيلىگىنىڭ مالىمەتىنشە، 1200-گە جۋىق ادام قازا تاۋىپ، 240 ادام كەپىلگە الىنعان. ولاردىڭ 100-دەن استامى ۋاقىتشا اتىستى توقتاتۋ كەلىسىمى اياسىندا، سونداي-اق يزرايل كۇشتەرى گازاداعى رەيدتەر ارقىلى قايتارىلدى. سونداي-اق تۇتقىنداردىڭ بىرنەشە ءمايىتى تابىلدى.

اۆتور

ەركەجان سماعۇلوۆا