پالەستيناعا ارنالعان گۋمانيتارلىق جۇك تيەلگەن ت ج م ۇشاعى مىسىرعا اتتاندى

پالەستيناعا گۋمانيتارلىق جۇك تيەگەن ۇشاق الماتىدان ۇشىپ شىقتى، دەپ حابارلايدى Kazinform.

ۇشاق ەكيپاجى الدىمەن اقتاۋعا، ودان ءارى مىسىرعا كومەكتى قاجەتتى جەرگە جەتكىزۋ ءۇشىن ۇشادى. گۋمانيتارلىق كومەك قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسىنا سايكەس پالەستينا حالقىن قولداۋ اياسىندا جىبەرىلدى.

جۇك ۇشاعىمەن مەملەكەتتىك ماتەريالدىق رەزەرۆتەن ازىق- تۇلىك پەن توسەك-ورىن جابدىقتارى تۇرىندەگى گۋمانيتارلىق جۇكتەر، سونداي-اق «س ك- فارماتسيا» ج ش س ءدارى- دارمەكتەرى مەن مەديتسينالىق بۇيىمدار جونەلتىلدى. جۇكتىڭ جالپى كولەمى 38 توننادان اسادى. گۋمانيتارلىق جۇكتەردى تيەۋدى توتەنشە جاعدايلار مينيسترلىگى اسكەري ءبولىمىنىڭ كۇشتەرى جۇرگىزەدى. جۇك قىزىل جارتى اي قوعامىنىڭ وكىلدەرىنە تاپسىرىلادى.

بۇعان دەيىن حابارلانعانداي، مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قازاقستان پالەستيناعا قوسىمشا گۋمانيتارلىق كومەك جىبەرەدى. گۋمانيتارلىق كومەككە سالماعى 38 توننادان اساتىن ازىق-تۇلىك، توسەك-ورىن جابدىقتارى، ءدارى- دارمەك جانە مەديتسينالىق بۇيىمدار كىرەدى.

مۇنىڭ الدىندا قازاقستان پالەستينا حالقىنا 1 ميلليون دوللار كولەمىندە گۋمانيتارلىق كومەك كورسەتتى. قازاقستان رەسپۋبليكاسى سىرتقى ىستەر مينيسترلىگىنىڭ مالىمەتى بويىنشا، پارسى شىعاناعى اراب مەملەكەتتەرى ىنتىماقتاستىق كەڭەسىنىڭ مەملەكەتتەرى، ا ق ش، ەۋروپالىق وداق، كانادا، ۇلى بريتانيا، جاپونيا، رەسەي، قىتاي جانە باسقا دا كوپتەگەن ەل گازا سەكتورى مەن باتىس جاعالاۋدا زارداپ شەككەن پالەستينا حالقىنا قارجىلىق جانە گۋمانيتارلىق كومەك كورسەتۋ تۋرالى شەشىم قابىلدادى.

اۆتور

ابىلايحان جۇماشيەۆ