القابيلەر تاعىلعان بۇكىل ايىپ بويىنشا ترامپتى كىنالى دەپ تاپتى
استانا. KAZINFORM - نيۋ- يورك سوتىندا القابيلەر ا ق ش-تىڭ بۇرىنعى پرەزيدەنتى دونالد ترامپتى 2016 -جىلعى سايلاۋ الدىندا بۇرىنعى پورنواكتريسا ستورمي دەنيەلسكە قاتىستى تولەماقىنى سايلاۋشىلاردان جاسىرۋ ءۇشىن قارجى ەسەبىن بۇرمالاعانى ءۇشىن كىنالى دەپ تاپتى، دەپ حابارلايدى ВВС.
مانحەتتەندەگى سوت پروتسەسىنىڭ تاريحي ءمانى بار - ترامپ قىلمىس جاساعانى ءۇشىن كىنالى دەپ تانىلعان العاشقى ەكس- پرەزيدەنت.
وعان بارلىعى 34 ءبولىم بويىنشا ايىپ تاعىلدى. القابيلەر ونى بارلىق ەپيزود بويىنشا كىنالى دەپ تاپتى.
بۇرىنعى پرەزيدەنتكە سوتقا ءتوراعالىق ەتەتىن سۋديا حۋان مەرچان ۇكىم شىعارادى. بۇل 11-شىلدەدە بولادى.
سوت زالىنان شىقپاس بۇرىن مەرچان القابيلەرگە ءىستى قاراۋعا لايىق نازار اۋدارعانى ءۇشىن العىس ايتتى.
وسى اپتادا ءبىر جارىم ايعا جۋىق ۋاقىتقا سوزىلعان سوت وتىرىستارى اياقتالدى.
ءىستىڭ بارلىق ءمان-جايىن انىقتاۋ ءۇشىن سوتقا كوپتەگەن كۋاگەرلەر شاقىرىلدى، ولاردان پروكۋرورلار مەن ەكس- پرەزيدەنتتىڭ ادۆوكاتتارى جاۋاپ الدى.
سەيسەنبى كۇنى سوت تاراپتاردىڭ قورىتىندى دالەلدەرىن تىڭدادى، ال سارسەنبىدە مەرچان قازىلار القاسىنا سوڭعى نۇسقاۋ بەرىپ، ولار ۇكىمدى تالقىلاۋعا كەتتى.
ايىپتى نەمەسە كىنالى ەمەس دەپ تانۋ ءۇشىن بۇكىل القابيلەردىڭ ءبىراۋىزدان شەشىمى قاجەت بولدى.
اۆتور
زارينا تۋعانبايەۆا
