الەۋمەتتىك جەلىدە 500 ميلليون جازىلۋشىسى بار الەمدەگى ەكىنشى ادام بەلگىلى بولدى

استانا. KAZINFORM - ارگەنتينالىق «ينتەر مايامي» كلۋبىنىڭ شابۋىلشىسى ليونەل مەسسي Instagram الەۋمەتتىك جەلىسىندە 500 ميلليون جازىلۋشى جينادى، دەپ حابارلايدى Sports.kz پورتالى.

36 جاستاعى فۋتبولشى جازىلۋشىلار سانى بويىنشا ساۋد ارابياسىنىڭ «ءال-ناسر» كومانداسىنىڭ پورتۋگالدىق شابۋىلشىسى كريشتيانۋ رونالدۋدان كەيىنگى ەكىنشى ورىندا تۇر. الەۋمەتتىك جەلىدە وعان جازىلۋشىلاردىڭ سانى قازىر 622 ميلليون ادام.

Instagram جەلىسىندە مەسسيدەن كەيىن ەڭ تانىمال جۇلدىزدار تىزىمىندە امەريكالىق ءانشى سەلەنا گومەس (429 ميلليون)، مودەل كايلي دجەننەر (400 ميلليون) جانە اكتەر دۋەين دجونسون (396 ميلليون) تۇر.

ارگەنتينالىق شابۋىلشى «ينتەر ماياميدە» 2023 -جىلدىڭ شىلدەسىنەن بەرى ويناپ ءجۇر.

Фото: Sports.kz

اۆتور

زارينا تۋعانبايەۆا