14:28, 06 - ناۋرىز 2024 | GMT +5
الەۋمەتتىك جەلى ارقىلى تەرروريزمدى ناسيحاتتاعان ەكى كۇدىكتى ۇستالدى
استانا. قازاقپارات - 6-ناۋرىزدا ۇ ق ك پروكۋراتۋرا ورگاندارىنىڭ ۇيلەستىرۋىمەن جانە پوليتسيانىڭ كومەگىمەن الەۋمەتتىك جەلى ارقىلى تەرروريزمدى ناسيحاتتادى دەگەن كۇدىككە ىلىنگەن شىمكەنت قالاسىنىڭ ەكى تۇرعىنىن ۇستادى. بۇل تۋرالى ۇ ق ك باسپا ءسوز قىزمەتى حابارلادى.
تەرگەۋ ماتەريالدارىنىڭ قورىتىندىسى بويىنشا، بۇدان بۇرىن ۇستالعان ايىپتالۋشىنىڭ بىرەۋى شەت ەلدە ءجۇرىپ راديكالدى ءدىني يدەولوگيانى قابىلداعانى انىقتالدى.
قازىرگى كەزدە قىلمىستىق كودەكستىڭ 256-بابى 2-بولىگى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
وزگە اقپارات قىلمىستىق-پروتسەستىك كودەكستىڭ 201-بابى 1-بولىگىنە سايكەس جاريا ەتىلمەيدى.
اۆتور
ابىلايحان جۇماشيەۆ
