الەمدىك ب ا ق- تاعى قازاقستان: ە و-مەن ۆيزا رەجيمىن جەڭىلدەتۋ، پورتتاردى دامىتۋ، كابيرحاننىڭ جەڭىسى

шолу
Фото: Kazinform

وسى اپتادا ءبىرقاتار شەتەلدىك ب ا ق-تا ەلىمىز تۋرالى كوپتەگەن ماقالالار جاريالاندى. الەمدىك باسپا ءسوز بەتتەرىندە ەۋروپالىق وداقپەن ۆيزالىق رەجيمدى جەڭىلدەتۋ جانە استانا حالىقارالىق فورۋمى تۋرالى ماقالالار لەگى جاريالاندى.

 تولىعىراق Kazinform ساراپشىسىنىڭ شولۋىندا.

Caspian news: قازاقستان مەن ەۋرووداق ۆيزا رەجيمىن جەڭىلدەتۋ جۇمىستارىن جالعاستىرۋدا

Caspian news اگەنتتىگى قازاقستان مەن ە و وكىلدەرى ۆيزالىق رەجيمدى جەڭىلدەتۋ بويىنشا كەزدەسۋ وتكىزگەنىن حابارلادى. كەزدەسۋ بارىسىندا تاراپتار كونسۋلدىق سالاداعى ىنتىماقتاستىقتىڭ ءبىرقاتار ماسەلەلەرىن قوزعاپ، ق ر ازاماتتارى ءۇشىن ە و ەلدەرىنىڭ ۆيزالىق رەجيمىن جەڭىلدەتۋ بويىنشا كونسۋلتاتسيالاردىڭ ەكىنشى كەزەڭىن وتكىزۋ ماسەلەسىن تالقىلاعان. بۇل تالقىلاۋلاردىڭ نەگىزگى ماقساتى - ەۋروپاعا ۆيزا رەجيمىن وڭتايلاندىرۋ. بۇل كونسۋلدىق الىمداردى ازايتۋ، ۆيزانىڭ ارەكەت ەتۋ مەرزىمىن ۇزارتۋ، وتىنىشتەردى قاراۋعا قاجەتتى ۋاقىتتى قىسقارتۋدى جانە ۆيزا الۋ ءۇشىن قاجەتتى قۇجاتتاردىڭ ءبىرىڭعاي ءتىزىمىن قۇرۋدى قامتيدى.

كەلىسسوزدەردىڭ ناتيجەسى بويىنشا، ق ر مەن ە و اراسىنداعى كونسۋلدىق سالاداعى دوستىق قارىم-قاتىناستاردى ودان ءارى نىعايتۋ بويىنشا ۋاعدالاستىققا قول جەتكىزىلدى.

قازاقستان ەو ينۆەستورلارىنا پورتتى، اۋەجايدى باسقارۋدى ۇسىندى

29-قاڭتاردا كاسپي تەڭىزىندەگى اقتاۋ جانە قۇرىق پورتتارىن، سونداي- اق 22 اۋەجايدى ازيا مەن ەۋروپا اراسىندا كۇشتى ترانزيتتىك حاب قۇرۋ ءۇشىن ەۋروپالىق ينۆەستورلارعا باسقارۋعا ۇسىندى دەپ جازدى. بۇل تۋرالى بريۋسسەلدە ەۋروپالىق وداق پەن ورتالىق ازيا كولىك بايلانىسىنا ارنالعان ەكى كۇندىك فورۋمنىڭ اشىلۋىندا ءسوز سويلەگەن قازاقستاننىڭ كولىك ءمينيسترى مارات قارابايەۆ مالىمدەگەن.

«ءبىز قازاقستاننىڭ قالعان 22 اۋەجايىن ەۋروپالىق ينۆەستورلارعا باسقارۋعا بەرۋگە دايىنبىز، بۇل ازيا مەن ەۋروپا اراسىنداعى ترانزيتتىك حابقا اينالادى»، - دەدى قارابايەۆ

سونىمەن قاتار، مينيستر كاسپيدەگى، اقتاۋداعى جانە قۇرىقتاعى تەڭىز پورتتارىنا قاتىستى وسىنداي ارىپتەستىك ورناتۋ تۋرالى دا حابارلادى. فورۋمعا شەنەۋنىكتەر، بيزنەس-قوعامداستىق وكىلدەرى جينالدى.

The Times of Central Asia: قازاقستان ەۋروپا مەن ازيانى بايلانىستىراتىن نەگىزگى كولىك ورتالىعى بولا الادى

The Times of Central Asia جاڭالىقتار اگەنتتىگى 29-قاڭتاردا بريۋسسەلدە (بەلگيا) وتكەن ە و جانە ورتالىق ازيا كولىك قاتىناسى بويىنشا Global Gateway ينۆەستورلار فورۋمىندا ق ر كولىك ءمينيسترى مارات قارابايەۆ قازاقستاندى ەۋروپا مەن ازيا اراسىنداعى ەڭ نەگىزگى ورنىقتى كولىك باعىتى رەتىندە ۇسىنعانىن حابارلادى.

اگەنتتىك وسى كەزەڭدە قازاقستان ۇزىندىعى 4700 ك م ترانزيتتىك ءدالىزدى قايتا جاڭارتۋدى جانە ترانسكاسپي كولىك ءدالىزىنىڭ نەگىزىن قۇرايتىن جولداردى جوندەۋدى جوسپارلاپ وتىرعانىن جازادى.

«وسى جوبالاردى جۇزەگە اسىرۋ ءۇشىن ءبىز ە و Global Gateway باستاماسى اياسىندا قاراجات جيناۋدى جانە ەۋروپالىق مەردىگەرلەردى قازاقستانداعى جولداردىڭ قۇرىلىسىنا قاتىسۋعا شاقىرۋدى ۇسىنامىز»، - دەپ كەلتىرەدى مارات قارابايەۆتىڭ ءسوزىن The Times of Central Asia.

ماقالادا قازاقستان 1300 شاقىرىم جاڭا تەمىرجول جەلىسىن سالىپ، قولدانىستاعى ينفراقۇرىلىمدى جاڭعىرتاتىنى تۋرالى ايتىلادى. بۇل جۇمىس ازيا مەن ەۋروپالىق وداق اراسىنداعى كولىك الەۋەتىن ارتتىرۋعا باعىتتالعان.

Blood Horse: تانىس بولىڭىز، كابيرحان - دۋبايداعى ات جارىسىنان الەم چەمپيوناتىنداعى قازاقستاننىڭ باستى ءۇمىتى

ات سپورتى تۋرالى جازاتىن امەريكالىق Blood Horse جۋرنالى دۋبايدا وتكەن Al Maktoum Challenge Presented by Longines بايگەسىندە كابيرحان اتتى قازاقستاندىق سايگۇلىك وڭايلىقپەن جەڭىسكە جەتكەنىن حابارلادى. تالاي شەتەلدىكتى تاڭداي قاقتىرعان تۇلپار قازاقستاننىڭ اتىن الەمگە تانىتىپ وتىر.

ماقالادا سايگۇلىك 12-قاڭتاردا مەيدانداعى العاشقى جارىسىندتا كەرەمەت ونەر كورسەتىپ، مارە سىزىعىن ءبىرىنشى بولىپ كەسكەنى جازىلعان. ەكىنشى جارىسىندا دا ول ەشكىمگە دەس بەرمەدى. بۇل جەڭىستەن كەيىن كابيرحان 30-ناۋرىزدا وتەتىن الەم چەمپيوناتىنا قاتىسۋعا جولداما الدى.

«ول - وتە جاقسى ات. ءبىز ونى ەكى اپتا بۇرىن جارىسقا شىعارعانعا دەيىن دە مىقتى ەكەنىن بىلدىك، بايگەگە تىڭعىلىقتى دايىندالدى. الايدا اراعا ەكى اپتا سالىپ، تاعى دا جارىس جولىنا شىعا الا ما دەگەن كۇمان بولعا. ءبىراق تۇلپارىمىز بايگەگە قوسىلىپ قانا قويماي، وسىنداي ادەمى جەڭىسكە جەتتى»، - دەدى جەڭىمپاز اتتىڭ جاتتىقتىرۋشىسى داگ ۋوتسون.

كابيرحان 2021 -جىلدىڭ قىركۇيەك ايىندا كينلەندتەگى جىل سايىنعى ساتىلىمدا 12000 دوللارعا ساتىپ الىنعان.

اۆتور

ۆەنەرا جولامان قىزى

سوڭعى جاڭالىقتار