الەمدى قۇتقارعان ادامدار
استانا. قازاقپارات - ءبىز ادامدار، ادەتتە جۇلدىزدارعا، مودەلدەرگە تابىنىپ، قۇرمەت تۇتىپ، ەلىكتەپ جاتامىز. ءبىراق، ادامدار ءۇشىن شىن مانىندە جاقسىلىق جاساي بىلگەن ازاماتتار ۇمتىپ قالىپ جاتادى.
بۇگىن سىزدەرگە ەرەكشە ەرلىگى، ارەكەتى ارقىلى ميلليونداعان ادامداردىڭ ءومىرىن قۇتقارىپ قالعان جانە جويقىن اپاتتاردىڭ الدىن الا بىلگەن ادامداردى تانىستىرعىم كەلەدى. ولاردىڭ الدىندا قارىزدار ەكەنىمىزدى ەستەن شىعارمايىقشى...
ستاستيستيكالىق مالىمەتتەرگە سەنسەك، قاۋىپسىزدىك بەلبەۋى ميلليوننان استام ادامدى ولىمنەن امان ساقتاعان. شۆەد ينجەنەرى نيلسون بولين وسى بەلبەۋدى جاساپ شىعۋ ءۇشىن ءبىر جىلىن جۇمساعان. سول ءبىر جىل تالايعا ءومىر سەۋىپ كەلەدى. ونەر تابىسى ءۇش جىل بويى سىناقتان وتكىزىلىپ، 1962 - جىلى عانا پاتەنتتەلدى.
جەردى ورتتەن امان الىپ قالۋ
بۇل سوزدەر اسكەري قىزمەتكەر ستانيسلاۆ ەۆگرافوۆيچتىڭ ومىرلىك ۇرانىنا اينالعان. ول سۋىق سوعىس كەزىندە يادرولىق جارىلىستىڭ الدىن الىپ قالعان. وقيعا 1983-جىلدىڭ 26-قىركۇيەگىندە ورىن الدى. ول ەشتەڭەدەن قورىقپاستان، ءوز ءومىرىن قاتەرگە تىگە وتىرىپ پلانەتامىزدى جويقىن اپاتتان امان ساقتادى. بۇل قارۋ جارىلعاندا نە بولاتىندىعىن بولجاۋدىڭ ءوزى قيىن...
ۆاسيلي الەكساندروۆيچ ارحيپوۆ ەسىمدى ازامات الەمدى ەكى رەت اتوم بومباسىنان قۇتقاردى. ول 1961 - جىلى كاريب داعدارىسى كەزىندە سۋاستى قايىعىندا قىزمەت ەتەتىن. اتوم بومباسى تيەلگەن قايىققا كەنەتتەن شابۋىل جاسالادى. ۆ. ارحيپوۆ گرەلاند جانە نورۆەگ تەڭىزدەرىنىڭ سولتۇستىگىندەگى اپاتتىڭ الدىن الۋ ءۇشىن جانكەشتى قىزمەت ەتكەندەردىڭ الدىڭعى قاتارىندا تۇر. وسى داعدارىستىڭ قىرىق جىلدىعىنا وراي وتكەن كونۆەرەنسيادا دجۇ ۆاشينگتون «ارحيپوۆ ەسىمدى جىگىت الەمدى قۇتقاردى» دەگەن ەكەن.
پولشا دارىگەرى يۋدجين لازوۆسكي حولوكوست كەزىندە مىڭداعان ەۆرەيلەردىڭ ءومىرىن قۇتقارادى. وتە قاۋىپتى ينفەكسيالىق اۋرۋعا ۆاكسينانىڭ كومەگىمەن توسقاۋىل قويادى. ناۋقاستاردى وزگەلەرگە جۇقتىرماس ءۇشىن اۋداننان الىپ كەتەدى. نەمىستەر دە وسى اۋرۋدان قورىققاندىقتان جاقىنداي الماعان دەسەدى.
«التىن قولدى ادام» - اۋستراليالىق پلازما دونورى دجەيمس حارريسوندى وسىلاي اتايدى. جاسوسپىرىم كەزدە كەۋدە جاسۋشالارىنا بىرنەشە كۇردەلى وتالار جاساتقان بالا 13 ليتر دونورلىق قان ارقىلى امان قالادى. سول كەزدە بالا وزىنە كامىلەت جاسقا تولىسىمەن ەرىكتى دونور بولام دەپ ۋادە بەرگەن ەكەن. تاعدىردىڭ سىيى ما، ايتەۋىر، حارريسوننىڭ قانى امبەباپ بولىپ شىعادى. ونىڭ پلازماسىنان جۇكتىلىك كەزىندەگى رەزۋس-كونفليكتتەردىڭ الدىن الاتىن، بولاشاق ۇرىقتى ساقتايتىن جانە ءومىر سىيلايتىن انتيتەلا تابىلعان. 78 جاستاعى قارت ءاربىر 3 اپتاي سايىن 40 ميلليليتر قان تاپسىرادى. 60 جىل ىشىندە بۇل سان 1000 ەسەگە كوبەيدى. وسى ۋاقىتتا دجەيمس حارريسون 2 ميلليون جاس انالار مەن بوبەكەردى قۇتقارىپ قالعان.
امەريكاندىق ميكروبيولوگ موريس رالف گيللەمان بۇكىل عۇمىرىندا 36 ۆاكسينا ويلاپ تاپقان. ونىڭ 8 ءدارى-دارمەگىن بۇگىن دە قولدانىپ ءجۇرمىز. ميدىڭ قابىنۋىنا، مەنينگيتكە، شەشەككە، سارى اۋرۋعا قارسى تۇرا الاتىن دارىلەر جاساپ شىققان ازاماتقا كۇللى الەم قارىزدار. ونىڭ 1957 - جىلى قولدانىسقا ەنگەن تۇماۋعا قارسى ۆاكسيناسى عالامشارىمىزداعى 20 ميلليون ادامعا ءومىر سىيلاپ ۇلگەردى.
عالىمدار افروامەريكاندىق گەنريەتتا لاكستىڭ جاسۋشالىق دونورىنىڭ ارقاسىندا ادامزاتقا اۋاداي قاجەت ماتەريالدار جاسالدى. جاس ايەل قاتەرلى ىسىكتەن قازا بولادى. ول ءوزىنىڭ دەنەسىن مەديسيناعا مۇراعا قالدىردى دا، ەسىمىن ماڭگىلىك وشپەستەي ەتتى. لاكستىڭ اعزاسىنداعى ساۋ جاسۋشالاردىڭ كومەگىمەن جۇلىن قابىنۋىنا قارسى ۆاكسينا ويلاپ تابىلدى. بۇگىندە ونى سپيد-كە، ونكولوگيالق اۋرۋلارعا قارسى قولدانىلاتىن دارىلەرگە قوسادى.
دايىنداعان: ايگەرىم سماتۋللايەۆا
massaget.kz
