الەمدەگى ەڭ قاۋىپتى ازىق انىقتالدى
Nua.in.ua-نىڭ تاراتقان مالىمدەمەلەرىنە سەنسەك، ادام دەنساۋلىعى ءۇشىن ەڭ قاۋىپتى ازىق - بوياعىش قوسىلعان، ءتاتتى، گازدالعان سۋسىن.
عىلىمي دالەل تاپقان ديەتولوگتەر گازدالعان سۋدان جاپپاي باس تارتۋعا شاقىرىپ وتىر. دارىگەرلەردىڭ ايتۋىنشا، ءبىر كۇندە ءبىر رەت گازدالعان، قۇرامىندا بوياعىشى بار ءتاتتى سۋسىندى ءىشۋ ەكىنشى دارەجەلى قانت ديابەتىنە شالدىعۋ قاۋپىن 22 پايىزعا دەيىن ۇلعايتادى.
«سوڭعى كەزدەرى الەمدىك پروبلەماعا اينالعان سەمىزدىك پەن ارتىق سالماقتىڭ سالدارىنان پايدا بولاتىن اۋرۋلاردىڭ تۋىنداۋىنا دا سەبەپشى بولىپ جۇرگەن وسى قانت پەن گازدالعان سۋسىندار» دەيدى ماماندار.
عالىمداردىڭ زەرتتەۋ جۇمىستارىنىڭ ناتيجەسى ءتاتتى، گازدالعان سۋسىنداردىڭ ادام اعزاسىنداعى ۇيقى بەزىنىڭ كومىرسۋ الماسۋىن رەتتەيتىن گورموندارىنىڭ جۇمىسىن بۇزاتىندىعىن دالەلدەگەن. لوندوننىڭ يمپەريالىق كوللەدجىندە جۇرگىزىلگەن زەرتتەۋدىڭ اۆتورلارى بۇل جاڭالىق قوعامدى گازدالعان سۋسىنداردان قورعاۋعا ءوز سەپتىگىن تيگىزەدى دەگەن ءۇمىت ارتىپ وتىر. اسىرەسە ءتاتتى سۋسىنعا تىم ءۇيىر بالالار مەن جاسوسپىرىمدەردىڭ دەنساۋلىعىن زياندى قوسپالاردان اراشالاۋعا اتسالىسايىق، اعايىن!
