الەمدەگى ەڭ ۇلكەن مارجان تابىلدى
استانا. KAZINFORM - عالىمدار تىنىق مۇحيتىنىڭ وڭتۇستىك- باتىسىندا الەمدەگى ەڭ ۇلكەن مارجاندى تاپتى، دەپ جازادى بەلتا АВС- گە سىلتەمە جاساپ.
مارجان 300 جىلدان استام ءومىر سۇرگەن بولۋى مۇمكىن. عالىمدار مارجاننىڭ ولشەمى كوك كيتتەن ۇلكەن ەكەنىن اتاپ ءوتتى. ونىڭ ءتۇسى قوڭىر، ءبىراق باسقا تۇستەر وعان ءىشىنارا بىرىكتىرىلگەن.
- مەن كارتادا كەمە اپاتى كورسەتىلگەن ايماقتا سۇڭگىپ ەدىم، ول جەردە مارجاندى كوردىم، - دەيدى ەكسپەديتسيا مۇشەسى.
ВВС- ءدىڭ حابارلاۋىنشا ەكسپەديتسيا بارىسىندا عالىمدار مارجاندى ولشەۋ ءۇشىن ارنايى ولشەۋ سىزىعىن پايدالانعان.
- مارجاننىڭ ەنى 34 مەتر، ۇزىندىعى 32 مەتر، بيىكتىگى 5,5 مەتر، - دەلىنگەن حابارلامادا.
بۇل جاڭالىق ءازىربايجاندا وتكەن COP29 ب ۇ ۇ- نىڭ كليماتتىڭ وزگەرۋىنە ارنالعان سامميتى كەزىندە ايتىلدى.
مارجان Pavona clavus تۇرىنە جاتادى جانە ول اس شايانداردىڭ، بالىقتاردىڭ جانە باسقا دا تەڭىز جانۋارلارىنىڭ تىرشىلىك ەتۋ ورتاسىنا اينالدى. بۇل ۇلگىنى زەرتتەي وتىرىپ، عالىمدار تاريحي جاڭالىقتاردى اشۋعا ءۇمىتتى.
حالىقارالىق تابيعاتتى قورعاۋ وداعىنىڭ (IUCN) بايانداماسىندا جىلى سۋلارداعى مارجانداردىڭ 44 پايىزى جويىلىپ كەتۋ قاۋپى ءتونىپ تۇرعانى ايتىلعان.
اۆتور
جاراسقان نۇرىبايەۆ
