الەمدى جايلاپ باراجاتقان جاندىك

استانا. قازاقپارات - قۇمىرسقالار ادام ءومىرى مەن قورشاعان ورتاعا قاۋىپ ءتوندىرىپ تۇر. يسپانيالىق عالىمداردىڭ مالىمەتىنشە، قۇمىرسقالاردىڭ 600 دەن استام ءتۇرى دۇنيەجۇزى بويىنشا جىلدام كوبەيىپ بارادى.

جاندىكتەر جاڭا وتار ءتۇزىپ، بايىرعى جەرگىلىكتى قۇمىرسقالاردىڭ باسقا ايماققا كوشۋ ۇدەرىسىن تۋعىزعان. ايتالىق، ەۋروپادا ارگەنتينالىق اگرەسسيۆتى قۇمىرسقالاردىڭ الىپ وردالارى پايدا بولدى.

زەرتتەۋشى ۆەرونيكا ميراۆەتەنىڭ ايتۋىنشا، بۇل جايت ەكوجۇيەنىڭ بۇزىلۋىنا اكەلىپ سوعادى. قۇمىرسقالاردىڭ تاعى 768 ءتۇرى الەمگە كەزدەيسوق تارالعان.

«ولار ءبىر ايماقتان كەلەسى ايماققا سۋ جانە اۋە كولىكتەرىمەن جەتكىزىلەتىن جەمىس-جيدەك كونتەينەرلەرى، توپىراق، دەكوراتيۆتى بۇيىمدار ارقىلى تارالىپ جاتىر. قۇمىرسقالاردىڭ %85 ى جىلدام كوبەيەدى، ءارى جاڭا مەكەنگە تەز بەيىمدەلەدى.

سول سەبەپتى ولار ادام ومىرىنە، قورشاعان ورتاعا جانە بارلىق ينفراقۇرىلىمعا قاۋىپ ءتوندىرىپ تۇر»، - دەيدى ۆ.ميراۆەتە Segodnya.ua پورتالىندا.