الەمدەگى ەڭ باي وتباسى انىقتالدى

ءابۋ-ءدابيدىڭ بيلەۋشى ءال ناحايان اۋلەتى 2023 -جىلعى الەمدەگى ەڭ باي وتباسىلار رەيتينگىندە كوش باستادى، دەپ حابارلايدى Kazinform Bloomberg-كە سىلتەمە جاساپ.

اۋلەت وكىلدەرىنىڭ ءبىرى - بىرىككەن اراب امىرلىكتەرىنىڭ پرەزيدەنتى مۇحاممەد بەن زايد ءال ناحايان. بۇل اۋلەتتىڭ بايلىعى 305 ميلليارد دوللارعا باعالانىپ وتىر.

ەكىنشى ورىندى Walmart دۇكەندەر جەلىسىنىڭ يەسى ۋولتون وتباسى يەلەندى. «Bloomberg» وتباسىنىڭ بايلىعى 259,7 ميلليارد دوللارعا جەتەتىنىن اتاپ ءوتتى. Hermes ءسان ءۇيىنىڭ نەگىزىن قالاعان گەرمەس وتباسى 150,9 ميلليارد دوللارمەن ءۇشىنشى ورىنعا جايعاستى. ودان كەيىنگى ورىنداردى 141,9 ميلليارد دوللار بايلىعىمەن Mars برەندىنە يەلىك ەتەتىن مارس وتباسى، سونداي- اق كاتار شەيحتەرى مەن امىرلەرىنىڭ بيلەۋشى اۋلەتى اس-سانيدىڭ وتباسى (133 ميلليارد) يەلەندى.

جىل باسىنان بەرى رەسەيلىك ميللياردەرلەردىڭ جالپى بايلىعى 38,5 ميلليارد دوللارعا ارتقان. اتاپ ايتقاندا، «لۋكويل» كومپانياسىنىڭ نەگىزىن قالاۋشى ۆاگيت الەكپەروۆ ەڭ باي ادام اتاندى. ونىڭ بايلىعى قاڭتاردان جەلتوقسانعا دەيىن 9,14 ميلليارد دوللارعا ءوسىپ، 24,5 ميلليارد دوللارعا جەتتى.

اۆتور

جاراسقان نۇرىبايەۆ