الەمدەگى ا ق ش دوللارىنا قاتىستى ەڭ قۇنسىزدانعان ۇلتتىق ۆاليۋتالار
استانا. KAZINFORM - وزبەك سۋمى سوڭعى ون جىلدا ا ق ش دوللارىنا قاتىستى ەڭ قۇنسىزدانعان ۇلتتىق ۆاليۋتالار تىزىمىندە 8- ورىندى يەلەندى.
رەيتينگتى Creative Planning كاپيتالدى باسقارۋشى كومپانياسى قۇراستىرعان.
سوڭعى 10 جىلدا وزبەك سۋمى دوللارعا قاتىستى %82,3- عا السىرەدى، بۇل پوستكەڭەستىك ەلدەردىڭ ۆاليۋتالارى اراسىنداعى ەڭ ناشار كورسەتكىش. سونداي- اق، ۋكراين گريۆناسى %77,5- عا، قازاق تەڭگەسى %65,4- عا، رەسەي رۋبلى %61,3 عا، تاجىك ءسومونيسى %56,3 عا، قىرعىز سومى %43,3 عا قۇنسىزداندى.
ورتالىق ازياداعى ەڭ تۇراقتى ۆاليۋتا تۇرىكمەن ماناتى بولدى، ول نەبارى %18,4 عا قۇنسىزداندى.
ارميان درامى مەن شۆەيتساريالىق فرانك سوڭعى ونجىلدىقتا دوللارعا قاتىستى قىمباتتاعان ەكى ۆاليۋتا - سايكەسىنشە، +1,1 جانە %3,1.
ەڭ قۇنسىزدانعان ۆاليۋتا ۆەنەسۋەلا بوليۆارى بولدى، ول ون جىل ىشىندە دەرلىك %100 عا قۇنسىزداندى.
سيريا فۋنتى (-%99,1)، ارگەنتينالىق پەسو (-%99,1)، تۇرىك ليراسى (-%92,3) جانە سۋرينام دوللارى دا (-%91,2) السىرەگەن ۆاليۋتالار قاتارىندا.
اۆتور
بەگابات ۇزاقوۆ