الەمدە قول جۋمايتىن ەلدەر دە بار

استانا. قازاقپارات - قول جۋۋ سىزبەن بىزگە قاراپايىم ءۇردىس بولۋى مۇمكىن. الايدا، قول جۋمايتىن ەلدەر دە بار. جەر بەتىندە 2 ميلليارد ادام قول جۋۋ بىلاي تۇرسىن، تازا سۋعا جارىماي وتىر. بۇل كورسەتكىش كەلەسى 30 جىل ىشىندە كۇرت ءوسۋى مۇمكىن.

Есептеу құралдары жоқ алматылықтарға суды қолдану нормалары өзгерді
Фото: Алматы әкімдігі

بىرىككەن ۇلتتار ۇيىمى وسىلاي دەيدى. وعان تۇرمىس جاعدايى، ورنالاسقان جەرى، كليمات وزگەرىسى سەكىلدى فاكتورلار اسەر ەتەدى. قاراپايىم گيگيەنالىق تازالىقتى ساقتاماعاندىقتان قازىردە افريكادا 190 ميلليون بالانىڭ دەنساۋلىعىندا كىنارات بار. ءار 10 بالانىڭ التاۋى تىرىسقاقپەن اۋىرادى. اسىرەسە، كامەرۋن، چاد، سومالي سىندى ەلدەردە جاعداي قيىن. بۇل ەلدەردە جىل سايىن 5 جاسقا دەيىنگى مىڭداعان بالا كوز جۇمادى.

الاپات داۋىلدار، سۋ تاسقىنى مەن قۇرعاقشىلىقتىق اۋىر زاردابىن ميللياردتاعان ادام تارتىپ وتىر. ۇيلەر مەن ينفراقۇرىلىمداردىڭ قيراۋى، كارىز جۇيەرىنىڭ جارىلۋىنىڭ سالدارىنان كەلەتىن شىعىن كوپ. بۇل - ادامزاتقا تونگەن ۇلكەن قاتەر. قازىردە ءتۇرلى بەلگىسىز اۋرۋلاردىڭ تاراپ جاتقانىن وسىدان بايقاۋىمىزعا بولادى.

ەۋروپا ەلدەرى قول جۋمايدى

تۇرمىسى تومەن ەلدەر بىلاي تۇرسىن، دامىعان ەلدىڭ تۇرعىندارى تازالىققا اسا بەيىم ەمەس. تانىمال نەمىستىڭ Statista كومپانياسى قول جۋمايتىن ەلدەردىڭ ءتىزىمىن دە جاساپ قويعان. وندا ەۋروپا ەلدەرىنىڭ ىشىندە يتاليادا حالىقتىڭ %43- ءى، يسپانيادا %39، فرانسيادا %38، اۆستريادا %35- ءى قولدارىن جۋمايتىن كورىنەدى. ال، رۋمىنيا مەن چەحيادا كورسەتكىش الدەقايدا جوعارى. ال، تۇركيادا حالىقتىڭ %94- ءى تازالىققا بەي-جاي قارامايدى. مۇنى كەي ساراپشىلار مۇسىلمانداردىڭ كوپتىگىمەن بايلانىستىرادى.

الەمدە جىل سايىن ديارەيادان ءبىر ميلليون ءجۇز مىڭ بالا كوز جۇمادى. ال پنيەۆمونيا، ياعني وكپەنىڭ قابىنۋىنان ءبىر ميلليون ەكى ءجۇز مىڭ ادام ومىردەن وتەدى. بۇل يۋنيسەف- ءتىڭ دەرەگى.

الەمدەگى ەڭ تازا ەل

ال، World Population Review جۇرگىزگەن زەرتتەۋ بويىنشا الەمدەگى ەڭ تازا ەل - برازيليا. ۇيىم برازيليالىقتاردىڭ كۇنىنە 2 رەت دۋشقا تۇسەتىنىن العا تارتادى. دەسە دە، تازالىق دەگەندە بىردەن جاپوندار ەسكە تۇسەتىن انىق. ءيا، بۇل شەكتەن تىس تازا. جاپونيادا قول الىسىپ، قۇشاقتاسىپ امانداسۋعا بولمايدى. كەز كەلگەن جاعدايدا دۇكەن بولسىن، ايالداما نە بونكاماتقا كەزەككە تۇرساڭىز، كەمى 1 مەتردەي اراقاشىقتىق ساقتالادى. قالالاردى دارەتحانانىڭ ءبارى تەگىن. كەز كەلگەن ساتتە قولدى سابىنداپ جۋۋعا بولادى. ءتىپتى ازىق-تۇلىك دۇكەندەرىندە ارنايى سابىن قۇيىلعان دوزاتورى بار قولجۋعىشتار ورناتىلعان. جەمىس-جيدەك، كوكونىستەر گەرمەتيكالىق پاكەتتەرگە سالىنعان. كارتوپتىڭ ءوزى پوليەتيلەن پاكەتپەن ساتىلادى.

سوڭعى جاڭالىقتار