12:08, 20 - تامىز 2024 | GMT +6
الەمدە 10 مىڭ رەيستىڭ تەك ءبىر-ەكەۋى ءماجبۇرلى تۇردە قونادى
استانا. قازاقپارات - الەمدە جولاۋشىلار ۇشاعىنىڭ شۇعىل قونۋى - سيرەك كەزدەسەتىن جاعداي. ورتاشا ەسەپپەن العاندا 10 مىڭ رەيستىڭ ءبىر-ەكەۋى ءماجبۇرلى تۇردە قونادى. وعان كوبىنە تەحنيكالىق اقاۋ سەبەپ بولىپ جاتادى.
رەسمي تىركەلگەن وقيعالاردىڭ %50-60- ءى وسىنداي. جولاۋشىلار مەن ەكيپاج مۇشەلەرى دەنساۋلىعىنىڭ ناشارلاۋىنا بايلانىستى اۋە كەمەلەرىنىڭ شۇعىل قونعان كەزدەرى %20-30 قۇرايدى. ال اۋا رايى قولايسىزدىعىنان رەيستى توقتاتۋ دەرەكتەرى % 10-20 ارالىعىندا. گەوگرافيالىق تۇرعىدان الىپ قاراساق، ۇشاقتاردىڭ شۇعىل قونۋى سولتۇستىك امەريكا مەن ەۋروپا ەلدەرىندە ءجيى كەزدەسەدى. بۇل اۋە تاسىمالى كولەمىنىڭ كوپتىگىمەن بايلانىستى.
