الماتىنىڭ تاۋ بوكتەرىندە زاڭسىز سالىنعان 52 نىسان انىقتالدى

الماتى. KAZINFORM - الماتىنىڭ تاۋ بوكتەرىندە ءبىر جىلدا 54 زاڭسىز قۇرىلىس انىقتالدى. الماتىنىڭ قالا قۇرىلىسىن باقىلاۋ باسقارماسىنىڭ مالىمەتىنشە، 44 نىسان بويىنشا سوتقا ارىز بەرىلىپ، ونىڭ 31- نە وڭ شەشىم قابىلداندى، ال قالعاندارى قارالىپ جاتىر.

«بۇل رەتتە 31-دەن 25 تالاپ زاڭدى كۇشىنە ەندى، 6 ارىز اپەللياتسيالىق ساتىدا سوت تالقىلاۋلارى جۇرگىزىلۋدە. 2023 -جىلى قۇرىلىس نىساندارىن جوسپاردان تىس 1074 تەكسەرۋ بارىسىندا 1140 بۇزۋشىلىق انىقتالدى»، - دەپ حابارلادى باسقارمادان.

باسقارما نىسانداردى جوسپاردان تىس تەكسەرۋدى الىنعان وتىنىشتەر نەگىزىندە «ق ر ساۋلەت، قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسى زاڭنىڭ ساقتالۋى تۇرعىسىنان جۇرگىزىلەتىنىن اتاپ ءوتتى.

«ازاماتتاردىڭ سالىنىپ جاتقان وبەكتىلەر بويىنشا تولىق جانە وزەكتى اقپارات الۋى ءۇشىن باسقارما 87058966000 ءنومىرى بويىنشا انىقتاما جەلىسىن ىسكە قوستى»، - دەلىنگەن حابارلامادا.

اۆتور

الما مۇقانوۆا