الماتىنىڭ مەشىتتەرىندە ۇرلىق جاساعان ەر ادام ۇستالدى

الماتى. KAZINFORM - الماتىلىق پوليتسەيلەر المالى اۋدانىندا ورنالاسقان مەشىتتەردە ۇرلىقتىڭ ءتورت دەرەگىن اشتى.

مەشىتتەردە ۇرلىق جاساعان دەگەن كۇدىكپەن الماتى وبلىسىنىڭ 40 جاستاعى تۇرعىنى ۇستالدى.

«ۇرلىق جاساۋ كەزىندە ب. ەسىمدى ازامات بەينەباقىلاۋ كامەرالارىنا ءتۇسىپ قالعان. زارداپ شەككەندەردىڭ ءبىرىنىڭ ايتۋىنشا، ناماز كەزىندە بەلگىسىز بىرەۋ ونىڭ جەكە مۇلكىن ۇرلاپ، 200 مىڭ تەڭگە كولەمىندە ماتەريالدىق شىعىن كەلتىرگەن. قاسكويدىڭ وسىعان ۇقساس 4 ۇرلىققا قاتىسى بارى بەلگىلى بولدى. اتالعان دەرەكتەر ءبىر وندىرىسكە بىرىكتىرىلىپ، سوتقا دەيىنگى تەرگەۋ امالدارى باستالدى. ۇستالعان ادام ءوز كىناسىن مويىندادى»، - دەدى المالى اۋداندىق پوليتسيا باسقارماسىنا قاراستى پوليتسيا ءبولىمىنىڭ باستىعى باتۇرجان ءابدىماساروۆ.

قازاقستان ق ر ق ك- ءنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.

«ق ر كونستيتۋتسياسىنىڭ 77-بابى 3- ءبولىمى 1-تارماعى، ق ر ق ك- ءنىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى»، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.

اۆتور

دۋمان ارعىنگەلدى