الماتىنىڭ كوكتەمگى كەلبەتى - فوتورەپورتاج
الماتى. KAZINFORM - الماتى كوكتەمدە ەرەكشە اسەم بولادى. قالانىڭ اۋاسىنان جاۋقازىن مەن گۇلدەردىڭ جۇپار ءيىسى اڭقىپ تۇر. الماتىلىقتاردىڭ كوكتەمگى ادەمى كوڭىل كۇيى Kazinform ءتىلشىسىنىڭ فوتورەپورتاجىندا.
الماتىعا كوكتەم كەلىپ، اعاشتار بۇرشىك جارىپ جاتىر. ورىك، شيە، ماگنوليا گۇلدەپ، اينالا جاسىل تۇسكە بويالدى. قالا ىشىندە گۇلدەردىڭ حوش ءيىس اڭقىپ تۇر.
قالا كوشەلەرىندە قىزعالداقتىڭ ءتۇر- ءتۇرى وتىرعىزىلعان. گۇلدەردىڭ قاۋىزى سارعىلت، قىزىل جانە سارى تۇسكە بويالعان.
الماتىلىقتار بوس ۋاقىتىن تابيعات اياسىندا قىزىقتى وتكىزىپ جاتىر. جاستار گۇلدەردىڭ جانىندا سۋرەتكە ءتۇسىپ جاتسا، بالالار اسىر سالىپ ويناپ ءجۇر.
جاسىل جەلەككە ورانعان ساياباقتاردىڭ سۇلۋلىعىن سوزبەن سۋرەتتەۋ مۇمكىن ەمەس. ونى تەك كوزبەن كورۋ كەرەك.
قالادا قازىر اۋا تەمپەراتۋراسى شامامەن 23+ گرادۋس.
سينوپتيكتەردىڭ بولجاۋىنشا، ءساۋىر ايىنىڭ سوڭىندا اۋا تەمپەراتۋراسى 30 گرادۋسقا دەيىن كوتەرىلەدى.
