الماتىلىقتار جەر سىلكىنىسىنە ءارقاشان دايىن بولعانى ءجون - سەيسمولوگ

الماتى. KAZINFORM - الماتى وتە قاۋىپتى سەيسميكالىق ايماقتا ورنالاسقان. جىل سايىن ونىڭ اينالاسىندا 200-گە تارتا جەراستى ءدۇمپۋى بولادى. كۇشى ءالسىز بولعاندىقتان، سەزىلمەيدى.

جەر سىلكىنىسىنىڭ جيىلەۋى تۇرعىنداردىڭ ۇنەمى دايىن بولۋى كەرەك دەگەندى بىلدىرە مە؟ بۇل ساۋالعا مامان جاۋاپ بەردى

ۇلتتىق سەيسمولوگيالىق باقىلاۋلار جانە زەرتتەۋلەر عىلىمي ورتالىعى ديرەكتورىنىڭ عىلىم جونىندەگى ورىنباسارى ەليزاۆەتا ەسەنجىگىتوۆانىڭ ايتۋىنشا، جەر سىلكىسىنىڭ جيىلەۋى - ءارتۇرلى سەبەپ پەن دەڭگەيگە بايلانىستى بولادى.

«ماماندار جەر سىلكىنىسىنىڭ پارمەندەلۋىن ماۋسىمدىق، جىلدىق جانە كوپجىلدىق دەپ بولەدى. ماۋسىمدىق پارمەندەنۋى كەزىندە كوبىنەسە، ءالسىز جەر سىلكىنىستەرنىڭ بەلسەندىلىگى ورىن الادى. ال، جىلدىق پارمەندەلۋى كەزىندە ورتا كۇشتەگى جەر سىلكىنىسىتەرىنىڭ سانى بەلەڭ الادى. كوپجىلدىق پارمەندەلۋ بارىسىندا كۇشتى جەر سىلكىنىسىنىڭ بولۋ ىقتىيمالدىلىعى جوعارى بولادى»، - دەيدى ول.

سەيسمولوگ الماتى وتە قاۋىپتى سەيسميكالىق ايماقتا ورنالاسقاندىقتان، ۇنەمى دايىن بولعان ءجون دەپ ەسەپتەيدى.

«الماتى ءوڭىرىنىڭ جەر سىلكىنىسىنە بەيىم جانە وتە قاۋىپتى ەكەندىگىن ەسكەرە وتىرىپ، بۇل ايماقتاعى تۇرعىندار جەر سىلكىنىسى قۇبىلىسىنا ءارقاشان دايىن بولعانى ءجون. تۇرعىندار جەر سىلكىنىسى بولعانى تۋرالى الىپ- قاشپا دەرەكتەرگە ەمەس، رەسمي اقپارات كوزدەرىنىڭ مالىمەتتەرىنە دەن قويعانى دۇرىس»، - دەدى ەليزاۆەتا ەسەنجىگىتوۆا.
اۆتور
ەلميرا ورالبايەۆا